ATENDANT Sumadi a-go de de fi elp yu fi du we dem aks unu fi du so dat evriting kyan stie iina aada. Wok wid dem an fala we dem tel yu wen yu a paak, wen yu a muuv roun, wen yu a siev siit, an so.

BAPTIZAM Fi di wan dem we a get baptaiz, siit a-go de de fi dem infronta di stiej anles dem se sitn difrant. Di wan dem we a get baptaiz fi iina dem siit bifuo di taak fi dem staat pan Satde maanin. Kyari yu towil an prapa tingz fi wier fi get baptaiz iina.

DUONIESHAN It tek uol iip a moni fi mek shuor se siit de de fi evribadi, so dat wi kyan ier an si wa a gwaan gud, an so dat wi kyan enjai wi kanvenshan an get kluosa tu Jeuova. Eni moni yu gi fram outa yu aat a-go yuuz a da kanvenshan ya an fi di wok we di Jeuova Witnis dem a du aal uova di worl. Fi mek it iizi fi yu gi moni, som baks wid sain pan dem a-go de aal bout iin ya, ar yu kyan go pan donate.pr418.com go gi moni. Wi tangk unu fi eni moni we unu gi. Di Govanin Badi fi di Jeuova Witnis dem tangk unu fi aal we unu a gi an du fi di Kindom wok.

EF YU WAAHN FI ELP Ef yu waahn fi elp out wid di wok a da kanvenshan ya, go a di paat iin ya we maak Ef Yu Waahn Fi Elp.

FIRST AID Dis a fi onggl ef sumadi get sik bad.

SIIT Tingk bout ada piipl tu. Memba se yu fi onggl kip siit fi yu an yu kluos fambili, ar fi sumadi we kom iina di siem kyar wid yu, ar ef dem liv iina di siem ous wid yu, ar yu a stodi wid dem. No put notn pan no siit anles yu a kip it fi sumadi.

TINGZ WE LAAS, TINGZ WE WI FAIN Ef yu si sitn we luk laik it no bilang tu nobadi, kyari it go a di ieriya we maak Tingz We Laas, Tingz We Wi Fain. Ef yu laas sitn, go siem plies an tel dem we yu sitn luk laik. Ef yu si wan pikni we laas, kyari dem de tu. Bot memba se, it beta ef wi luk afta wi pikni so dat dem no get laas.

School for Kingdom Evangelizers Wi waahn di paiyanier dem uu a 23 tu 65 an waahn du muor iina dem sorvis fi kom a di speshal miitn pan Sonde aftanuun. Wi wi tel unu wich paat it a kip an wa taim.