Wa kain-a wiez yu waahn yu fren fi av? Yu mait-a waahn wan fren we stik tu yu an we gud an kain tu yu. Jeuova av aal a dem gud wiez de. (Ex 34:6; Ak 14:17) Wen yu prie tu im, im lisn tu yu. Wen yu waahn elp, im elp yu. (Ps 18:19, 35) Wen yu en op du sitn rang, im paadn yu. (1Jan 1:9) Jeuova a riili wan gud fren!

Ef yu waahn bi Jeuova fren, wa yu fi du? Yu fi riid di Baibl fi lorn bout im an tel im bout evriting we a gwaan wid yu. (Ps 62:8; 142:2) Shuo se di ting dem we mata tu im mata tu yu tu: im Son, im Kindom, an wa im tel wi se im a-go du fi wi iina di fyuucha. Tel ada piipl bout im. (De 32:3) Ef yu wok aad fi bi Jeuova fren, im a-go bi yu Fren fi eva.​—Ps 73:25, 26, 28.

WACH DI VIDIYO YOUTHS​—“TASTE AND SEE THAT JEHOVAH IS GOOD,” AN DEN ANSA DEM KWESTIYAN YA:

• Wa a som tingz we wi kyan du so dat wi kyan gi wi laif tu Jeuova an get baptaiz?

• Wa a som tingz we di breda an sista dem kyan du fi elp yu fi sorv Jeuova?

• Wen yu spen nof taim iina sorvis, ou dat kyan mek yu an Jeuova get kluos?

• Wa a som ada tingz yu kyan get fi du fi Jeuova?

• Wa a som a di ting dem we yu lov bout Jeuova?