Jiizas did taak bout “di gud nyuuz bout Gad Kindom.” (Lu 4:43) An im did tiich piipl fi prie fi da Kindom de tu. (Mt 6:9, 10) Iina Novemba, wi a-go wok aad aad fi tel piipl bout Gad Kindom. (Mt 24:14) Chrai an mek som taim so yu kyan go wok aad aad fi dwi’it. Di wan dem we a aagzileri paiyanier kyan du 30 ar 50 owa fi di mont.

Yuuz wan skripcha fi mek di piipl dem iina yu ieriya nuo bout Gad Kindom. Wen yu a pik wich skripcha fi yuuz, tingk bout di sumadi we yu a taak tu an wa dem biliiv iina. Ef di fos taim yu taak tu dem di sumadi se dem waahn nuo muo, gi dem wan a The Watchtower No. 2 2020. Mek shuor yu taak bak tu dem kwik kwik, an chrai stodi di Baibl wid dem wid wan a di buk an pamplet dem fram Tingz Fi Yuuz Tiich Piipl. Suun suun, Gad Kindom a-go mash dong aal a im enimi dem. (Da 2:44; 1Kor 15:24, 25) So mek wi wok aad iina Novemba fi shuo se a Jeuova wan wi a sorv an a fi im Kindom wi waahn fi ruul uova wi!