Yu wot wol iip tu Jeuova. (Isa 43:4) A im mek yu get fi nuo muo bout im an mek yu get fi bi paat a im aaganaizieshan. Kaaz yu gi yu laif tu Jeuova an get baptaiz, a im yu bilang tu. Kaaz Jeuova tek yu az fi’im uon an yu speshal tu im, im a-go tek kier a yu aal wen tingz aad. Im a-go yuuz im aaganaizieshan fi shuo yu umoch im lov yu, an im a-go tek kier a yu.​—Ps 25:10.

Wen wi luk pan ou Jeuova aaganaizieshan a elp wi breda an sista dem wen dem a go chuu flod, orikien, an dem ting de, it kyan elp wi fi shuo Jeuova umoch wi tangk im fi di wie ou im a shuo se im lov wi, no mata wa.

WACH DI VIDIYO DI RIPUOT FRAM DI KAADINIETA KOMITII FI 2019, AN DEN ANSA DEM KWESTIYAN YA:

• A ou di Kaadinieta Komitii elp di branch afis dem we de aal uova di worl fi elp out wen orikien an dem ting de apm?

• A ou Jeuova aaganaizieshan did mek di breda an sista dem iina Indoniizha an Naijiiriya nuo wa fi du, an wa dem did du fi elp dem?

• Wen yu luk pan wa di aaganaizieshan du wen Kuovid-19 a go roun, wa yu lov bout dat?