Wi waahn fi du di ting dem we a-go mek Jeuova api. (Pr 27:11) Ef wi fi du dat, wi afi mek op wi main se wi a-go du tingz di wie ou Jeuova waahn wi fi du dem iivn ef no laa no de iina di Baibl we tel wi wa fi du. Wa kyan elp wi fi du dat?

Wi fi mek shuor se wi aalwiez a stodi Gad Wod. Evritaim wi tek op di Baibl an riid it, it komiin laik a spen wi a spen taim wid Jeuova. Wi kyan get fi si ou Jeuova tingk wen wi si ou im diil wid im piipl dem wen dem du gud tingz an wen dem du bad tingz. Wen wi afi mek op wi main fi du sitn, Jeuova kyan yuuz im uoli spirit fi elp wi fi memba di tingz dem we wi lorn iina im Wod.​—Jan 14:26.

Luk op fi tingz iina wi buk an pamplet dem. Wen yu afi mek op yu main fi du sitn, aks yuself se, ‘Wich wan a di vors dem ar tuori we iina di Baibl kyan elp mi fi andastan ou Jeuova fiil bout sortn an sortn tingz?’ Prie tu Jeuova an beg im fi elp yu. Yuuz di buk an pamplet dem we de iina fi yu langwij we kyan elp yu fi du di tingz dem we iina di Baibl we av fi du wid wa yu a go chuu.​—Ps 25:4.

WACH DI VIDIYO “WI FI RON AN NO TAP”​—NYAM FUUD WE GUD FI YU, AN DEN ANSA DEM KWESTIYAN YA:

• Wa an wa dem did a presha di yong sista fi du?

  Rait yu ansa

• Ou yu kyan yuuz wi buk an pamplet dem an ada tingz fi diil wid sitn laik wa dem did a presha ar fi du?

  Rait yu ansa

• Ou it elp wi wen wi tek di taim fi du wi uona Baibl stodi an luk op tingz iina wi buk an pamplet dem wen wi afi mek op wi main bout sitn?​—Iib 5:13, 14

  Rait yu ansa