A wol iip a prablem wi afi diil wid iina dem laas diez ya. Som a di taim wi mait-a fiil laik se wi kyaahn manij. Bot ef wi gwaan jraa nier tu Jeuova, im wi elp wi fi eng aan an no gi op aal ef di prablem we wi a go chuu lik wi aad. (Isa 43:2, 4) Wa an wa kyan elp wi fi jraa nier Jeuova wen wi a go chuu wi prablem dem?

Prieya. Wen wi prie tu Jeuova an tel im ou wi riili fiil, im wi gi wi ‘piis iina wi aat an main’, an gi wi di chrent fi eng aan.​—Fil 4:6, 7; 1Tes 5:17.

Wi Miitn Dem. Iina dem ya taim ya, wi riili niid fi de mongks wi breda an sista dem. An wi niid di sitn dem we a-go kip wi kluos tu Jeuova we wi get wen wi go a wi miitn dem. (Iib 10:24, 25) Wen wi pripier an go a wi miitn dem, an tek paat, wi mek gud yuus a di elp we Jeuova yuuz im uoli spirit fi gi wi.​—Re 2:29.

Wen Wi Priich An Tiich. Wen wi chrai aad fi priich tu piipl an tiich dem, it wi elp wi fi tek wi main aafa di bad tingz dem we a gwaan. An wi an Jeuova an wi breda an sista dem a-go get kluos kluos.​—1Kor 3:5-10.

WACH DI VIDIYO JEUOVA A-GO TEK KIER A YU, AN DEN ANSA DEM KWESTIYAN YA:

• Wa did elp Malu fi tan kluos tu Jeuova wen shi a go chuu ar prablem dem?

  Rait yu ansa

• Ou Saam 34:18 did elp Malu, an ou it kyan elp wi tu?

  Rait yu ansa

• Ou wa Malu did go chuu shuo wi se a Jeuova “av aal a di powa” fi elp wi wen wi a go chuu wi prablem dem?​—2Kor 4:7

  Rait yu ansa