Janiweri 20-26
SAAMZ 138-139
Sang 93 An Prieya | Tingz We Wi Fi Luk Out Fa Iina Di Miitn (1 min.)
1. No Mek Kaa Yu Fried Mek Yu No Ansa No Kwestiyan A Di Miitn
(10 min.)
Wi waahn fi priez Jeuova wid aal a wi aat (Sa 138:1)
Wen yu fiil laik yu fried fi put op yu an an ansa kwestiyan a di miitn, aks Jeuova fi elp yu (Sa 138:3)
No fiil bad ef yu fried kaaz it guda a shuo sitn gud bout yu (Sa 138:6; w19.01-E 10 ¶10)
SITN WE KYAN ELP YU: Wen yu a ansa kwestiyan an yu ansa dem shaat, dat kyan elp yu fi no fiil tuu fried.—w23.04 21 ¶7.
2. Di Preshos Tingz Fram Di Baibl
(10 min.)
-
Sa 139:21, 22—A evribadi di wan dem we a Kristiyan afi paadn? (it-1-E 862 ¶4)
-
Fi da wiik ya, tel wi som a di preshos ting dem we yu lorn fram di Baibl riidin.
3. Di Baibl Riidin
(4 min.) Mt 3:1-12 (th-E stodi 2)
4. Wen Wi Taak Tu Piipl Fi Di Fos Taim
(3 min.) WEN WI GO PRIICH TU PIIPL WE NO DE A DEM YAAD. (lmd lesn 2 paint 3)
5. Elp Dem Fi Ton Jiizas Falara
(4 min.) WEN WI GO PRIICH TU PIIPL WE NO DE A DEM YAAD. Tel dem se yu kyan stodi di Baibl wid dem an shuo dem ou wi du it. (lmd lesn 10 paint 3)
6. Wan Baibl Taak
(5 min.) ijwyp-E nomba 105—Tapik: Ef Mi Shai, Wa Kyan Elp Mi Fi Diil Wid Dat? (th-E stodi 16)
Sang 59
7. Yu Kyan Api Wen Yu A Priich An Tiich Aal Ef Yu Shai
(15 min.) Taak an kwestiyan.
Yu a sumadi we no tuu tuu laik wen piipl si yu? Wen yu tingk bout fi staat taak tu sumadi, yu beli staat at yu? Wen wi shai dat kyan mek wi no du som a di sitn dem we wi waahn fi du. Bot, wol iip a piipl we shai get fi si se dem kyan stil du tingz fi Jeuova an dem kyan api wen dem a priich an tiich. Wa wi kyan lorn fram wa dem did du?
Plie di VIDIYO Mi A Du Evriting We Mi Kyan Du Iivn Duo Mi Shai. Den aks da kwestiyan ya:
-
Kaa Sista Lee did du wa ar grani se shi fi du an ‘du evriting we shi kyan du fi sorv Jeuova,’ ou dat did elp ar?
Fram wa wi si iina di Baibl, Muoziz, Jerimaiya, an Timoti mait-a did shai. (Ek 3:11; 4:10; Jer 1:6-8; 1Ti 4:12) Bot dem did stil du wol iip a tingz fi Jeuova kaaz im did di de a elp dem fi du it. (Ek 4:12; Jer 20:11; 2Ti 1:6-8)
Riid Aizaiya 43:1, 2. Den aks dem kwestiyan ya:
-
Wa Jeuova se im a-go du fi di wan dem we a sorv im?
Ou Jeuova kyan elp di wan dem we shai fi api wen dem a priich an tiich?
Plie di VIDIYO Wan Paat Fram Di Vidiyo—Wa Mek Wen Yu Get Baptaiz It A-Go Mek Yu Api So Til? Den aks dem kwestiyan ya:
-
Ou Sista Jackson get fi si se Jeuova de de wid ar an a elp ar wen shi a priich an tiich?
-
Ef sumadi shai, ou it kyan elp dem wen dem chrai fi priich an tiich?
8. Di Baibl Stodi Fi Wi Miitn
(30 min.) bt chap. 21 ¶8-13, an di baks pan piej 169
