Janiweri 6-12
SAAMZ 127-134
Sang 134 An Prieya | Tingz We Wi Fi Luk Out Fa Iina Di Miitn (1 min.)
1. Unu We A Mada An Faada—Gwaan Tek Kier A Unu Pikni Dem We Jeuova Gi Unu
(10 min.)
Unu we a mada an faada, unu kyan nuo fi shuor se Jeuova a-go elp unu fi tek kier a unu fambili (Sa 127:1, 2)
Di pikni dem we unu av a sopm gud we Jeuova gi unu (Sa 127:3; w21.08-E 5 ¶9)
Wen yu a tiich yu pikni dem, no tiich aal a dem di sed wie (Sa 127:4; w19.12-E 27 ¶20)
Wen di mada an faada dem du wa Jeuova se dem fi du an dem du dem bes fi tek kier a dem pikni dem, dat mek Jeuova api
2. Di Preshos Tingz Fram Di Baibl
(10 min.)
-
Sa 128:3—Wa mek di sumadi we rait da Saam ya se di bwai pikni dem komiin laik di yong shuut dem we kom fram di aliv chrii dem? (it-1-E 543)
-
Fi da wiik ya, tel wi som a di preshos ting dem we yu lorn fram di Baibl riidin.
3. Di Baibl Riidin
(4 min.) Mt 1:18–2:6 (th-E stodi 2)
4. Wen Wi Taak Tu Piipl Fi Di Fos Taim
(3 min.) PRIICH TU PIIPL ENIWE YU DE. (lmd lesn 1 paint 3)
5. Wen Wi Taak Tu Piipl Fi Di Fos Taim
(4 min.) PRIICH TU PIIPL ENIWE YU DE. Di sumadi se sitn we go gens wa di Baibl se. (lmd lesn 5 paint 4)
6. Elp Dem Fi Ton Jiizas Falara
(5 min.) lff lesn 16 paint 4-5. Mek di sumadi nuo wa an wa unu a-go du so dat dem Baibl stodi kyan gwaan wen yu no de bout. (lmd lesn 10 paint 4)
Sang 13
7. Unu We A Mada An Faada—Unu A Yuuz Da Gud Gud Sitn Ya We Unu Av Fi Tiich Unu Pikni Dem?
(15 min.) Taak an kwestiyan.
A wol iip a sitn Jeuova aaganaizieshan gi di mada an faada dem fi elp dem tiich dem pikni dem bout Jeuova. Bot wen di mada an faada dem du di rait ting an mek dem pikni dem si dem a dwi’it, dat a wan gud gud sitn we dem kyan yuuz fi tiich dem pikni dem. —Dyu 6:5-9.
A so Jiizas did tiich im falara dem.
Riid Jan 13:13-15. Den aks da kwestiyan ya:
-
Wa mek wen Jiizas did du di rait ting an mek im falara dem si im a dwi’it, dat a did wan gud wie fi tiich dem?
Wen yu du di sitn dem we yu a tel yu pikni dem se dem fi du, it wi mek dem si se wa yu a tel dem se riili gud fi dem. An wen dem si se yu eva a du di sitn dem we yu a tiich dem, dat wi elp dem fi waahn lisn tu yu an du wa yu a se dem fi du.
Plie di VIDIYO Wi A Du Wa Wi Fi Du An Dat A Elp Wi Fi Tiich Wi Pikni Dem. Den aks dem kwestiyan ya:
-
Wa a som a di sitn dem we Breda an Sista Garcia did tiich dem daata dem?
-
Ou da vidiyo ya elp yu fi waahn mek shuor se yu gwaan du di rait sitn dem so dat yu pikni dem kyan si yu a dwi’it?
8. Di Baibl Stodi Fi Wi Miitn
(30 min.) bt chap. 20 ¶13-20
