WOK AAD FI PRIICH TU PIIPL AN TIICH DEM BETA | OU YU KYAN FIIL MUO JAI IINA YU SORVIS
Mek Wa Yu A Se Go Iina Dem Aat
Wen wi a du wa Jeuova waahn wi fi du, wi a dwi’it fram iina wi aat. (Pr 3:1) So wen wi a tiich piipl, wi afi wok aad fi mek wa wi a se go iina dem aat. Ou wi kyan du dis?
No jos tiich dem wa di Baibl se. Elp dem fi si ou wa dem a lorn kyan elp dem fi get kluosa tu Jeuova. Elp dem fi si se di sitn dem we Jeuova se wi fi du mek wi si se Jeuova lov piipl; im kain an gud, an im aalwiez a-go du wa rait. Fi nuo wa dem a tingk bout di sitn dem we dem a lorn, jos aks dem som likl kwestiyan. Elp dem fi si ou dem wuda betaraaf ef dem tap du sitn we Jeuova se dem no fi du. An wen yu si ou dem get fi lov Jeuova wid aal a dem aat, dis a-go mek yu api.
WACH DI VIDIYO TIICH PIIPL BETA AN FIIL DI JAI WE KOM WEN YU ELP SUMADI FI KOM SORV JEUOVA—CHRAI FI MEK WE YU A SE GO IINA DEM AAT, AN DEN ANSA DEM KWESTIYAN YA:
-
Wa mek Neeta did aks Julie: “Yu get fi tingk bout wa wi did a chat bout pan Monde?”
-
Ou Neeta did elp Julie fi si se di sitn dem we Jeuova tel ar fi du a kaaz Jeuova lov ar?
-
Ef wa wi a se riich iina di sumadi aat, it wi elp dem fi gwaan du wa Jeuova se dem fi du
Ou Neeta did elp Julie fi si wa shi kyan du fi shuo Jeuova se shi lov im?
