Di Baibl av nof prieya iina it we Jeuova did ansa. Wen Jeuova sorvant dem did si ou im lisn tu dem prablem dem an ou im did elp dem diil wid dem, dem chos iina im get chrangga. So wen yu a prie tu Jeuova, tel im wa yu riili waahn fram yu aat, an den chrai fi si ou im a ansa yu prieya dem. Bot memba se Jeuova mait-a ansa wi prieya difrant fram ou wi tingk im wuda ansa it. Ar im mait-a gi wi muor dan wa wi did aks im fa. (2Kor 12:7-9; Ifii 3:20) Ou Jeuova mait-a ansa wi prieya dem?

• Im kyan gi wi di chrent we wi niid fi diil wid wi prablem dem.​—Fil 4:13

• Im kyan mek wi waiz so dat wi wi nuo di rait ting fi du.​—Jmz 1:5

• Im kyan mek wi waahn fi du di sitn dem we im waahn wi fi du, an im wi gi wi di chrent fi dwi’it tu.​—Fil 2:13

• Wen wi a wori wori op wiself, im kyan gi wi piis iina wi aat an iina wi main.​—Fil 4:6, 7

• Im kyan mek piipl gi wi di elp we wi niid.​—1Jan 3:17, 18

• Im kyan elp di piipl dem we wi a prie fa.​—Aks 12:5, 11

WACH DI VIDIYO JEUOVA A “DI WAN WE IER WI WEN WI PRIE,” AN DEN ANSA DEM KWESTIYAN YA:

• Ef yu sik an kyaahn du wa yu yuus tu du bifuo, ou Breda Shimizu tuori kyan elp yu?

• Ou wi kyan du laik Breda Shimizu?