A Jeuova mek wi nuo wa it miin fi lov sumadi an aalwiez de de fi dem. (Ps 103:11) Dis ya lov ya a no plie plie lov. Da lov ya wi mek yu stik tu sumadi an aalwiez de de fi dem. Jeuova did shuo se im av da lov ya fi di Izrelait piipl dem iina wol iip a difrant difrant wie. Laik, im frii dem op fram outa Iijip an kya dem go a di Lan We Im Did Pramis Dem. (Ps 105:42-44) Im did aalwiez a fait fi im piipl dem, an uova an uova agen im paadn dem fi dem sin dem. (Ps 107:19, 20) Wen wi si aal a wa Jeuova du fi shuo se im lov im piipl dem no mata wa, it push wi fi du di sed ting tu.​—Ps 107:43.

WACH DI VIDIYO TINGK BOUT DI LOV WE JEUOVA AV WE MEK IM A-GO AALWIEZ DE DE FI YU, AN DEN ANSA DEM KWESTIYAN YA:

• Ou wi kyan shuo wi breda an sista dem se wi lov dem an a-go aalwiez de de fi dem?

  Rait yu ansa

• Wa mek wi afi gi op som a di sitn dem we wi waahn fi du fi shuo wi breda an sista dem se wi lov dem an a-go aalwiez de de fi dem?

  Rait yu ansa