DIS A OU AAL UU A FALA JIIZAS FI LIV
‘Tan Op An Difen Di Gud Nyuuz’
Wen piipl did a chrai fi tap di Izrelait dem fram bil op bak Gad Ous, Gad piipl dem du wa dem did niid fi du fi shuo se dem did av di rait fi bil bak Gad Ous. (Ezr 5:11-16) Jeuova piipl dem iina fi wi taim afi du di sed ting tu so dat di laa wich paat dem liv kuda gi dem di rait fi priich. (Fil 1:7) A das wai dem did set op di Liigal Dipaatment a di Worl Ed Afis a di Jeuova Witnis dem iina 1936. An a da dipaatment de set op tingz so dat wi kyan difen di gud nyuuz aal uova di worl. A ou da dipaatment de a elp Gad piipl dem an di wok we dem a du fi Jeuova?
WACH DI VIDIYO LUK PAN WA A GWAAN IINA DI LIIGAL DIPAATMENT WE DE A DI WORL ED AFIS A DI JEUOVA WITNIS DEM, AN DEN ANSA DEM KWESTIYAN YA:
-
Wen it kom aan tu dem rait fi priich, wa a som a di prablem dem we di Jeuova Witnis dem did av?
-
Wa a som a di kies dem we wi win? Tel wi bout wan a dem.
-
Wa di wol a wi kyan du fi shuo se wi a “tan op an a difen di gud nyuuz”?
-
Wich paat pan di websait wi kyan go fi fain out bout di breda an sista dem we a fait fi dem rait fi priich di gud nyuuz, an di wan dem we get lak op kaaz a wa dem biliiv iina?
