Julai 15-21
SAAMZ 63-65
Sang 108 An Prieya | Tingz We Wi Fi Luk Out Fa Iina Di Miitn (1 min.)
1. Di Lov We Yu Av We A-Go Mek Yu Stik Tu Mi Fi Eva Wot Muo Tu Mi Dan Mi Uona Laif
(10 min.)
Wen wi an Jeuova a gud gud fren, dat miin muo tu wi dan wi uona laif (Sa 63:3; w01-E 10/15 15-16 ¶17-18)
Wen wi tingk bout aal a di sitn dem we Jeuova du fi shuo umoch im lov wi an a-go stik tu wi fi eva, dat wi elp wi fi lov im muor an tangk im fi aal we im du (Sa 63:6; w19.12-E 28 ¶4; w15-E 10/15 24 ¶7)
Wen wi riili tangk Gad fi di wie dem ou im shuo se im lov wi an a-go stik tu wi fi eva, dat a-go mek wi api fi taak bout im an fi du tingz fi big im op (Sa 63:4, 5; w09-E 7/15 16 ¶6)
SITN WE YU KYAN DU FI YU FAMBILI BAIBL STODI: Taak bout som a di difrant difrant wie dem ou Jeuova shuo se im lov yu an a-go stik tu yu fi eva.
2. Di Preshos Tingz Fram Di Baibl
(10 min.)
-
Sa 64:3—Ou da vors ya kyan elp wi fi si se wi no fi a taak tingz we a-go ort ada piipl? (w07-E 11/15 15 ¶6)
-
Fi da wiik ya, tel wi som a di preshos ting dem we yu lorn fram di Baibl riidin.
3. Di Baibl Riidin
(4 min.) Sa 63:1–64:10 (th-E stodi 12)
4. Wen Wi Taak Tu Piipl Fi Di Fos Taim
(2 min.) WEN WI A PRIICH OUS TU OUS. Di sumadi we yu a taak tu no taak fi yu langwij. (lmd lesn 3 paint 4)
5. Wen Wi Taak Tu Piipl Fi Di Fos Taim
(2 min.) PRIICH TU PIIPL ENIWE YU DE. Unu don taak bifuo yu get wan chaans fi tel dem sitn bout di Baibl. (lmd lesn 2 paint 4)
6. Wen Wi Taak Tu Piipl Fi Di Fos Taim
(3 min.) WEN WI GO PRIICH TU PIIPL WE NO DE A DEM YAAD. Fain out wa di sumadi wuda waahn fi taak bout an set op tingz so dat yu kyan get fi taak tu dem agen. (lmd lesn 1 paint 5)
7. Elp Piipl Andastan Wa Mek Yu Biliiv Wa Yu Biliiv
(4 min.) Ak out dis. Ijwfq-E 51—Tapik: Wa Mek Di Jeuova Witnis Dem Go Bak Go Taak Tu Piipl We Did Tel Dem Se Dem No Waahn Ier Wa Dem A Se? (lmd lesn 4 paint 3)
Sang 154
8. Ou Wi Shuo Gad Se Wi Lov Im
(15 min.) Taak an kwestiyan.
Di lov we Jeuova av fi im piipl dem mek im lov dem bad an im ‘a-go stik tu dem fi eva’. (Sa 86:15) So iivn duo Jeuova lov evribadi, im av wan speshal kain-a lov fi di piipl dem we a sorv im an we im an dem a gud gud fren. (Sa 33:18; 63:3; Jan 3:16; Ak 14:17) Wi kyan shuo Jeuova se wi tangk im fi di wie ou im lov wi wen wi du tingz fi shuo im se wi lov im tu. Ou wi kyan du dat? Wi du dat wen wi du wa im se wi fi du, laik wen im tel wi fi go elp piipl fi ton Jiizas falara.—Mt 28:19; 1Jan 5:3.
Plie di VIDIYO Shuo Se Yu Av Nof Lov Iina Yu Aat Fi Piipl Wen Yu A Priich An Tiich. Den aks dem kwestiyan ya:
Wen wi av nof lov iina wi aat, ou dat a-go elp wi fi stil taak bout di gud nyuuz wen
-
wi taiyad bad?
-
piipl a kos wi an ron wi?
-
wi a go bout wi uona bizniz?
9. Di Baibl Stodi Fi Wi Miitn
(30 min.) bt chap. 12 ¶14-20
