Julai 29–Aagos 4
SAAM 69
Sang 13 An Prieya | Tingz We Wi Fi Luk Out Fa Iina Di Miitn (1 min.)
1. Som Sitn Bout Jiizas Laif We Saam 69 Did Mek Wi Nuo Bifuo Dem Apm
(10 min.)
Piipl did iet Jiizas fi no riizn at aal (Sa 69:4; Jan 15:24, 25; w11-E 8/15 11 ¶17)
Jiizas did lov Jeuova ous bad (Sa 69:9; Jan 2:13-17; w10-E 12/15 8 ¶7-8)
Jiizas did a sofa bad an dem gi im wain we did miks op wid sitn bita fi jringk (Sa 69:20, 21; Mt 27:34; Lu 22:44; Jan 19:34; g95-E 10/22 31 ¶4; it-2-E 650)
SITN FI YU SIDONG AN TINGK BOUT: Wa mek Jeuova did mek di Iibruu paat a di Baibl tel wi tingz bout di Mesaiya bifuo im did kom bout?
2. Di Preshos Tingz Fram Di Baibl
(10 min.)
-
Sa 69:30, 31—Ou dem vors ya kyan elp wi fi mek wi prieya dem beta? (w99-E 1/15 18 ¶11)
-
Fi da wiik ya, tel wi som a di preshos ting dem we yu lorn fram di Baibl riidin.
3. Di Baibl Riidin
(4 min.) Sa 69:1-25 (th-E stodi 2)
4. Tek Taim Wid Dem—Wa Jiizas Did Du
(7 min.) Taak an kwestiyan. Plie di VIDIYO, an den aks kwestiyan bies pan lmd lesn 8 paint 1-2.
5. Tek Taim Wid Dem—Du Laik Wa Jiizas Did Du
(8 min.) Taak an kwestiyan bies pan lmd lesn 8 paint 3-5 an di paat we niem “Luk Pan Dem Ya Tu.”
Sang 134
6. Tingz We Afi Du Wid Wi
(5 min.)
7. Som Sitn We Kyan Elp Yu Fi Du Yu Fambili Baibl Stodi
(10 min.) Taak an kwestiyan.
Iina Janiweri 2009, di Buk Stodi, di “Theocratic Ministry School” an “Service Meeting” did ton iina wan miitn we wi kip iina di wiik. Kaaz a dis, di fambili dem kuda av wan nait iina di wiik fi kip dem uona fambili Baibl stodi. Nof a di breda an sista dem se dem glad se tingz chienj op kaaz dis elp dem fi get kluosa tu Jeuova, an it mek dem kluosa tu dem wan aneda tu.—Dyu 6:6, 7.
Wa a som sitn we kyan elp di wan dem we inchaaj a dem fambili fi mek dem fambili Baibl stodi gwaan gud?
-
Du it evri wiik. Ef yu kyan dwi’it, av wan taim an wan die we evribadi iina di fambili nuo se a da taim de a fambili Baibl stodi. An ef sitn apm an unu kyaahn dwi’it, av wan neda die we unu pik fi kip it
-
Plan wa unu a-go du. Taak wid yu waif fi fain out wa shi wuda waahn fi du, an som a di taim yu kyan taak tu yu pikni dem tu fi fain out wa dem wuda waahn fi du. Yu na’afi spen no wol iip a taim a plan op wa yu a-go du fi fambili Baibl stodi, wos ef yu fain som tingz we yu fambili riili laik fi du evri wiik
-
Chienj op wa yu a-go du bies pan wa yu fambili a go chuu. Wen yu pikni dem get biga, yu a-go fain se di sitn dem we dem kyan du an wa dem niid gweehn chienj. Wa yu du iina yu fambili Baibl stodi fi a elp evribadi iina di fambili fi get kluosa an kluosa tu Jeuova
-
Mek dem fiil gud wen dem de de. Somtaim, unu kyan aal du it outa duor. An memba se unu kyan tek brieks tu. Iivn duo som a di taim unu fi yuuz di fambili Baibl stodi fi taak bout som prablem we mait-a a gwaan iina di fambili, no yuuz da taim de fi jraa op nobadi
-
Chienj op tingz som a di taim. Fi yu fambili Baibl stodi unu kyan luk pan sitn we unu a-go lorn iina wan a di miitn dem iina di wiik, ar unu kyan wach an taak bout wan a di vidiyo dem we de pan jw.org, an unu kyan du som tingz fi redi op unuself fi go priich. Iivn duo wen di fambili Baibl stodi a gwaan unu fi a taak wid unu wan aneda, unu kyan yuuz paat a di taim fi du unu uona Baibl stodi.
Taak bout da kwestiyan ya:
-
Ou yu a chrai fi du dem sitn ya wen yu a du yu fambili Baibl stodi?
8. Di Baibl Stodi Fi Wi Miitn
(30 min.) bt chap. 13 ¶8-16, an di baks pan p. 105
