Jeuova a di api Gad, an im waahn wi fi enjai wi sorvis. (1Ti 1:11) Wen wi wok aad so dat wi kyan priich tu piipl an tiich dem beta, wi a-go fiil muo jai iina wi sorvis. Wen wi aks kwestiyan a wan gud wie dat fi staat taak tu piipl, an it wi mek dem waahn ier muo bout wa wi a taak bout. Plos, it kyan elp dem fi tingk bout wa wi a taak bout. (Mt 22:41-45) Wen wi aks kwestiyan an lisn tu wa di sumadi a se, wi a shuo dem se dem miin nof tu wi. (Jmz 1:19) Bies pan ou dem ansa di kwestiyan dem, it kyan mek wi nuo wa wi fi taak bout afta dat.

WACH DI VIDIYO TIICH PIIPL BETA AN FIIL DI JAI WE KOM WEN YU ELP SUMADI FI KOM SORV JEUOVA​—WEN WI A AKS KWESTIYAN, AN DEN ANSA DEM KWESTIYAN YA:

• Wa a som gud wiez we Julie did shuo se shi av?

• Ou di kwestiyan dem we Neeta did aks shuo se shi did waahn nuo muo bout Julie?

• Ou Neeta did yuuz kwestiyan fi mek Julie waahn nuo muo bout di gud nyuuz?

• Ou Neeta did yuuz kwestiyan fi mek Julie tingk bout wa dem did a taak bout?