Kuora, Dietan, an Abairam did shuo se dem a fait gens Jeuova kaa dem neehn stik tu im an du tingz di wie ou im waahn dem fi dwi’it. Jeuova get rid a di wan dem we did a fait gens im an evribadi we did a fala dem. (Nu 16:26, 27, 31-33) Wa a som tingz iina wi laif we kyan tes weda ar nat wi a-go stik tu Jeuova? Di tuori dem we wi riid bout iina di Baibl, wich wan a dem kyan elp wi so dat wi no fala di piipl dem we no stik tu Jeuova?

WACH DI VIDIYO NO FALA DI PIIPL DEM WE NEEHN STIK TU JEUOVA, AN DEN ANSA DEM KWESTIYAN YA:

• Wa did apm fi tes ef Nadia wuda stik tu Jeuova, an wich bad egzampl iina di Baibl did elp ar fi stik tu im?

• Wa did apm fi tes wan breda we did beks kaa tingz neehn go ou im tingk it fi go, an wich bad egzampl fram di Baibl did elp im fi stik tu Jeuova?

• Wa did apm fi tes ef Terrance wuda stik tu Jeuova, an wich bad egzampl iina di Baibl did elp im fi stik tu Jeuova?

• Wa did apm fi tes wan breda we a go skuul fi si ef im wuda stik tu Jeuova, an wich bad egzampl iina di Baibl did elp im fi stik tu Jeuova?