Jeuova waahn wi fi sorv im kaa wi lov im. (Mt 22:37, 38) Wen wi Baibl stodi dem lov Jeuova, a dat a-go elp dem fi chienj op dem laif an tan op chrang wen chobl tek dem. (1Jan 5:3) An wen dem lov Jeuova, a dat a-go mek dem waahn fi get baptaiz.

Elp yu Baibl stodi dem fi si se Gad lov dem. Yu kyan aks dem som kwestiyan laik dem ya: “Di sitn we yu a lorn, wa it a elp yu fi si bout Jeuova?” ar “Ou dis mek yu si se Jeuova lov yu?” Elp dem fi kyan si di sitn dem we Jeuova a du fi dem iina dem uona laif. (2Ch 16:9) Tel dem bout som a di sitn dem we yu prie bout, an ou yu si klier klier se Jeuova ansa yu. An elp dem fi si ou dem kyan nuo wen Jeuova ansa fi dem uona prieya. Wi a-go api kyaahn don wen wi si se wi Baibl stodi dem nuo se Jeuova lov dem. An dem shuo se dem lov im tu wen dem jraa nier tu im an ton im fren.

WACH DI VIDIYO ELP DI PIIPL DEM WE YU A STODI DI BAIBL WID FI JRAA NIER TU GAD FI DEMSELF AN TON IM FREN, AN DEN ANSA DEM KWESTIYAN YA:

• Wa kain-a prablem Juuli did av?

• Wa Niita did du fi elp Juuli?

• A wa did elp Juuli fi diil wid di prablem we shi did av?