Iepril 29–Mie 5
SAAMZ 34-35
Sang 10 An Prieya | Tingz We Wi Fi Luk Out Fa Iina Di Miitn (1 min.)
1. “Aalwiez Priez Jeuova”
(10 min.)
Aal wen tingz did aad fi im, Dievid did eva a priez Jeuova (Sa 34:1; w07-E 3/1 22 ¶11)
Dievid neehn big op imself, a Jeuova im big op (Sa 34:2-4; w07-E 3/1 22 ¶13)
Kaa Dievid did a big op Jeuova, dat did elp im brejrin dem fi tan op chrang (Sa 34:5; w07-E 3/1 23 ¶15)
Afta Dievid did lef wich paat Abimalek did de, 400 man we neehn api wid di wie ou Saal did a ruul did kom jain Dievid iina di wildanes. (1Sa 22:1, 2) A dem Dievid mait-a did a tingk bout wen im rait da Saam ya.—Sa 34, superscription.
AKS YUSELF, ‘Di neks taim wen mi ga’a miitn an a taak tu sumadi, wa mi kyan du fi big op Jeuova niem?’
2. Di Preshos Tingz Fram Di Baibl
(10 min.)
-
Sa 35:19—Wen Dievid did aks Jeuova fi no mek di piipl dem we iet im wingk dem yai, wa dat did miin? (w06-E 5/15 20 ¶2)
-
Fi da wiik ya, tel wi som a di preshos ting dem we yu lorn fram di Baibl riidin.
3. Di Baibl Riidin
(4 min.) Sa 34:1-22 (th-E stodi 5)
4. Wen Wi Taak Tu Piipl Fi Di Fos Taim
(2 min.) PRIICH TU PIIPL ENIWE YU DE. Di sumadi we yu a taak tu lef bifuo yu get wan chaans fi tel dem bout di Baibl. (lmd lesn 1 paint 4)
5. Wen Wi Go Bak Go Taak Tu Dem
(4 min.) PRIICH TU PIIPL ENIWE YU DE. (lmd lesn 2 paint 4)
6. Elp Piipl Andastan Wa Mek Yu Biliiv Wa Yu Biliiv
(5 min.) Ak out dis. ijwfq-E 59—Tapik: Wa An Wa Di Jeuova Witnis Dem Luk Pan Fi Nuo Ef Dem Naa Go Selibriet Sortn An Sortn Alidie? (th-E stodi 17)
Sang 59
7. Chrii Sitn We Wi Kyan Du Fi Big Op Jeuova Wen Wi De A Wi Miitn Dem
(15 min.) Taak an kwestiyan.
Wen wi go a miitn, wi av nof chaans fi big op Jeuova. Si chrii a dem ya.
Wen Wi A Taak Tu Piipl: Taak bout aal a di gud sitn dem we Jeuova du wen yu a taak tu ada piipl. (Sa 145:1, 7) Yu riid sitn iina di Baibl ar ier sitn iina wan taak ar so we did riili elp yu? Sitn nais did gwaan wen yu did de a sorvis? Sumadi se ar du sitn we elp yu fi gwaan tan op chrang? Yu did luk pan sitn we Jeuova mek we did riili mek yu fiil gud? Aal a dem sitn ya a som gud tingz we Jeuova gi wi. (Jmz 1:17) Chrai fi go a di miitn orli so dat yu wi av som taim fi taak tu ada piipl.
Wen Wi Ansa Kwestiyan: Chrai fi ansa iivn wan kwestiyan wen yu ga’a miitn. (Sa 26:12) Yu kyan gi di fos ansa fi di kwestiyan, ar yu kyan taak bout wan neda paint iina di paragraaf, ar bout wan skripcha, ar di picha, ar ou wi kyan du wa it a se wi fi du. Ada piipl a-go a put op dem an fi ansa kwestiyan tu, so wen yu a plan fi go ansa kwestiyan a di miitn, chrai fi tingk bout muor dan wan kwestiyan we yu kyan ansa. Ef wi mek shuor se wi no tek muor dan 30 sekan fi ansa, muor piipl wi get fi “priez Gad” an gi im fi dem sakrifais tu.—Iib 13:15.
Wen Wi Sing Sang: Sing di sang dem wid aal a yu aat. (Sa 147:1) A no evri miitn yu mait-a get fi ansa kwestiyan, wos ef fi yu kanggrigieshan big, bot yu aalwiez get di chaans fi sing di sang dem. Aal ef yu fiil laik se a kruo yu a kruo wen yu a sing, wen yu du yu bes fi sing di sang dem, it mek Jeuova api! (2Kor 8:12) Yu kyan lorn ou fi sing di sang dem wen yu de a yu yaad.
Plie di VIDIYO Ou Wi Du Tingz Fram Bak Iina Di Diez Til Nou—Di Sang Dem We Gad Gi Wi, Paat 1. Den aks da kwestiyan ya:
Ou Jeuova aaganaizieshan a shuo fram lang taim se fi sing sang fi big op Jeuova a wan big ting fi wi?
