Maach 4-10
SAAMZ 16-17
Sang 111 An Prieya | Tingz We Wi Fi Luk Out Fa Iina Di Miitn (1 min.)
1. ‘Jeuova, Evriting Gud We Mi Av A Yu It Kom Fram’
(10 min.)
Wen wi a gud fren wid di wan dem we a sorv Jeuova tu, dat mek wi api bad (Sa 16:2, 3; w18.12-E 26 ¶11)
Wen wi nuo se wi an Jeuova a gud gud fren, dat mek wi api (Sa 16:5, 6; w14-E 2/15 29 ¶4)
Kaa wi nuo se Jeuova a-go gi wi di sitn dem we wi niid fi gwaan tan op chrang, dat mek wi fiil sief (Sa 16:8, 9; w08-E 2/15 3 ¶2-3)
Kaa di bigis ting iina wi laif a fi worship Jeuova, jos laik Dievid, wi av wan gud laif kaaz evriting gud we wi av a Jeuova it kom fram.
AKS YUSELF, ‘Fram mi kom iina di chuut, a ou mi laif betaraaf?’
2. Di Preshos Tingz Fram Di Baibl
(10 min.)
-
Sa 17:8—Wen di Baibl taak bout “pupil of your eye,” wa it miin? (it-2-E 714)
-
Fi da wiik ya, tel wi som a di preshos ting dem we yu lorn fram di Baibl riidin.
3. Di Baibl Riidin
(4 min.) Sa 17:1-15 (th-E stodi 5)
4. Wen Wi Taak Tu Piipl Fi Di Fos Taim
(1 min.) WEN WI A PRIICH OUS TU OUS. Invait di sumadi fi kom a di Laad Sopa. (th-E stodi 11)
5. Wen Wi Taak Tu Piipl Fi Di Fos Taim
(3 min.) WEN WI A PRIICH OUS TU OUS. Invait di sumadi fi kom a di Laad Sopa. Afta yu si se dem waahn nuo muor, tel dem bout di vidiyo we niem Shuo Se Wi Memba Se Jiizas Did Kom Ded Fi Wi an taak bout it likl. (th-E stodi 9)
6. Wen Wi Taak Tu Piipl Fi Di Fos Taim
(2 min.) PRIICH TU PIIPL ENIWE YU DE. Invait di sumadi fi kom a di Laad Sopa. (th-E stodi 2)
7. Elp Dem Fi Ton Jiizas Falara
Sang 20
8. Ou Wi Kyan Redi Op Wiself Fi Di Laad Sopa?
(15 min.) Taak an kwestiyan.
Pan Sonde, Maach 24, wi a-go du we Jiizas se wi fi du kaa wi a-go kip di speshal miitn we wi kip evri ier fi shuo se wi memba se Jiizas did kom ded fi wi kaa im an Jeuova lov wi bad. (Lu 22:19; Jan 3:16; 15:13) So wa wi kyan du fi redi op wiself fi di Laad Sopa?
-
Du evriting we yu kyan du fi tel piipl bout di speshal taak an di Laad Sopa. Tingk bout som piipl we yu wuda waahn fi invait. Ef non a dem piipl de no liv wich paat fi yu kanggrigieshan priich, yu kyan go pan jw.org fi fain out di taim an wich paat di miitn dem a-go kip iina fi dem ieriya
-
Iina Maach an Iepril, chrai an du likl muor iina di priichin wok. Yu tingk yu kuda chrai fi aagzilari paiyanier an du 15 ar 30 owa dem taim de?
-
Pan Maach 18, staat fi riid bout som a di big ting dem we did gwaan iina di laas wiik wen Jiizas did de pan di ort. Yu kyan mek op yu main bout umoch yu a-go riid evridie wen yu luk pan “Di Baibl Riidin Fi Di Laad Sopa Fi 2024” we de pan piej 6-7
-
Pan di Laad Sopa die, mek shuor se yu wach di speshal Maanin Worship we a-go de pan jw.org
-
Wen yu go a di Laad Sopa, mek shuor se yu se oudi tu di wan dem we kom fi di fos taim an di breda an sista dem we tap priich ar naa kom a miitn. Chrai an si ef yu kyan ansa no kwestiyan we dem mait-a av afta di miitn don. An chrai an set op tingz so dat yu kyan go bak go taak tu di wan dem we luk laik dem wuda waahn fi nuo muor
-
Tek som taim fi tingk bout ou Jiizas did kom ded fi wi bifuo yu go a di Laad Sopa an afta it don tu
Plie di VIDIYO Shuo Se Wi Memba Se Jiizas Did Kom Ded Fi Wi. Den aks da kwestiyan ya:
Ou wi kyan yuuz da vidiyo ya wen wi a wok aad fi invait piipl fi kom a di Laad Sopa?
9. Di Baibl Stodi Fi Wi Miitn
(30 min.) bt chap. 6 ¶18-24, an di baks we de pan piej 48
