Maach 17-23
PRAVORBZ 5
Sang 122 An Prieya | Tingz We Wi Fi Luk Out Fa Iina Di Miitn (1 min.)
1. Kip We Fram Aal Kain-a Seks Sin
(10 min.)
Seks sin mait-a luk laik sitn nais fi wi go miks op wiself iina (Pr 5:3; w00-E 7/15 29 ¶1)
Wen sumadi go miks op iina seks sin, dem a-go en op fiil bad bout it (Pr 5:4, 5; w00-E 7/15 29 ¶2)
Kip we fram aal kain-a seks sin (Pr 5:8; w00-E 7/15 29 ¶5)
Wan sista a tel wan bwai se shi naa gi im ar nomba
2. Di Preshos Tingz Fram Di Baibl
(10 min.)
-
Pr 5:9—Wa da vors ya shuo wi se kyan apm wen sumadi go get miks op iina seks sin? (w00-E 7/15 29 ¶7)
-
Fi da wiik ya, tel wi som a di preshos ting dem we yu lorn fram di Baibl riidin.
3. Di Baibl Riidin
(4 min.) Mt 6:19-34 (th-E stodi 5)
4. Wen Wi Taak Tu Piipl Fi Di Fos Taim
(3 min.) WEN WI A DU KYAAT WOK AR A PRIICH WE NOF PIIPL DE. Invait sumadi we av wan difrant rilijan fi kom a di Laad Sopa. Yuuz jw.org fi shuo dem we di Laad Sopa a kip nier dem. (lmd lesn 6 paint 4)
5. Wen Wi Go Bak Go Taak Tu Dem
(4 min.) WEN WI A PRIICH OUS TU OUS. Di laas taim yu did taak tu dem dem did tek wan a di Laad Sopa invitieshan an se dem waahn nuo muor bout it. (lmd lesn 9 paint 5)
6. Elp Dem Fi Ton Jiizas Falara
(5 min.) lff lesn 16: dis a wa yu fi memba, wa yu did lorn iina da lesn ya? an du dis. Wen di sumadi we yu a stodi wid aks ef Jiizas did marid, shuo im ou im kyan luk op tingz iina wi buk an pamplet dem fi fain di ansa. (lmd lesn 11 paint 4)
Sang 121
7. Wa An Wa Yu Fi Du So Yu No Miks Op Iina Seks Sin Wen Yu An Sumadi A Taak Bifuo Unu Marid?
(15 min.) Taak an kwestiyan.
Wen wan man an uman a taak, it miin se dem laik dem wan aneda an a-go du tingz fi spen taim wid dem wan aneda. Dem mait-a spen taim wid dem wan aneda roun ada piipl, ar dem mait-a du tingz wid dem wan aneda fies tu fies ar uova di fuon laik fi sen teks mesij ar so. Dem mait-a tel ada piipl se dem a taak ar dem mait-a no mek nobadi nuo niida. Som piipl tingk se dis a sitn we dem kyan jos du fi enjai demself, bot wen wan man an wan uman a taak, a no plie ting dat. Dem fi a tingk bout ef dem kyan go marid da sumadi ya. Weda dem yong ar no so yong, wa tuu sumadi we a taak kyan du fi no get miks op iina seks sin?—Pr 22:3.
Plie di VIDIYO Wan Paat Fram Wa Yu Kyan Du Fi Redi Op Yuself Fi Marid Laif—Paat 1: Mi Redi Fi Staat Taak Tu Sumadi? Den aks dem kwestiyan ya:
-
Wa mek yu no fi staat taak tu sumadi ef yu no redi fi marid? (Pr 13:12; Lu 14:28-30)
-
Wen yu luk pan ou di mada an faada did elp dem daata, wa yu laik bout dat?
Riid Pravorbz 28:26. Den aks dem kwestiyan ya:
-
Wa an wa wan man an uman kyan du so dat dem no de bai demself an en op go du sitn we mek dem get miks op iina seks sin?
-
Wa mek it wuda gud fi dem taak bout ef dem a-go du tingz laik fi uol dem wan aneda an an kis?
Riid Ifiijan 5:3, 4. Den aks da kwestiyan ya:
-
Wen dem a taak pan di fuon ar panlain, wa an wa dem fi mek shuor se?
8. Di Baibl Stodi Fi Wi Miitn
(30 min.) bt chap. 24 ¶1-6
