Wen yu tiich wid aal a yu aat an yu eksaitid bout wa yu a du, it mek ada piipl eksaitid tu, an it wi mek dem waahn ier muo bout wa yu a se. It shuo se yu biliiv wa yu a tiich tu. It no mata wich paat wi kom fram ar ou wi tan, wi no afi dedi-dedi. Wi kyan lorn ou fi tiich wid aal a wi aat. (Ruo 12:11) Ou wi kyan du dat?

Fos, tingk bout wa mek piipl niid fi ier di mesij we yu a priich. “A wan gud gud sopm” se wi get fi “priich di Gud Nyuuz.” (Ruo 10:15) Sekan ting, tingk bout ou di gud nyuuz we yu av fi tel dem kyan mek dem laif beta. Dem riili niid fi ier wa yu av fi se tu dem. (Ruo 10:13, 14) Laas ting, mek shuor se wen yu a taak yu ful a laif an jos bi yuself. Mek di sumadi si pan yu fies se yu aat iina wa yu a se.

WACH DI VIDIYO TIICH PIIPL BETA AN FIIL DI JAI WE KOM WEN YU ELP SUMADI FI KOM SORV JEUOVA​—TIICH WID AAL A YU AAT, AN DEN ANSA DEM KWESTIYAN YA:

• Wa mek Neeta neehn so api fi stodi wid Julie agen?

• Wa did elp Neeta fi get eksaitid bout it agen?

• Wa mek wi fi tingk bout di gud sitn dem bout di sumadi we wi a stodi wid?

• Wen wi a tiich wid aal a wi aat, ou dat kyan elp di sumadi dem we wi a stodi di Baibl wid an ada piipl?