Wen wi go bak tu sumadi we waahn nuo muo, ar wi a stodi di Baibl wid sumadi, wi fi elp dem fi get wa wi riili a se. Wen wi yuuz tuori fi elp dem get wa wi a se beta, dis kyan elp dem fi memba wa wi a tiich dem, an it wi riich iina dem aat.

Bifuo yu go bak tu sumadi ar go pan wan Baibl stodi, tingk bout wa di sitn riili a taak bout so yu kyan yuuz tuori we yu waahn fi yuuz fi elp dem get wa it a se. No yuuz no tuori we di sumadi kyaahn andastan. Taak bout tingz we dem a si roun dem evri die. (Mt 5:14-16; Mk 2:21; Lu 14:7-11) Mek shuor yu tingk bout di sumadi, wich paat dem kom fram, an di sitn dem we dem a du iina fi dem laif. (Lu 5:2-11; Jan 4:7-15) Wen yu si ou dem api kaaz a di sitn dem we dem a lorn, yu a-go api tu.

WACH DI VIDIYO TIICH PIIPL BETA AN FIIL DI JAI WE KOM WEN YU ELP SUMADI FI KOM SORV JEUOVA​—YUUZ TUORI FI MEK DEM GET WE YU A SE BETA, AN DEN ANSA DEM KWESTIYAN YA:

• Wa mek di sumadi we yu a stodi di Baibl wid mait-a niid yu elp fi get wa di skripcha dem a se?

• Ou Neeta did yuuz tuori fi eksplien wa Ruoman 5:12 a se?

• Wen wi yuuz som gud tuori fi mek di sumadi we wi a taak tu get wa wi a se, ou dat kyan elp dem?

• Wen wi a tiich piipl, wa mek wi fi yuuz di vidiyo dem an di ada sitn dem we Jeuova aaganaizieshan gi wi fi yuuz?