Kaaz wi no porfek, wi afi aalwiez a fait fi no du di bad sitn dem we wi fiil fi du. Ef wi no kanchuol wiself, an wi du eni an eniting we wi fiil fi du, Jeuova naa go api wid wi at aal. Laik som piipl mait-a lov fuud, kluoz, ar di ous we dem liv iina muo dan ou dem lov Gad. An yu av som ada piipl we du aal kain-a seks sin iivn duo Gad se dem no fi du dem sitn de. (Ruo 1:26, 27) An yu av som ada wan, we mek piipl presha dem fi du di rang tingz kaa dem waahn dem piipl de fi laik dem.​—Ex 23:2.

So wa wi kyan du fi kanchuol wiself? Wi fi mek shuor se wi kip wi main pan di ting dem we mek Jeuova api. (Mt 4:4) An wen wi fiil fi du di sitn dem we wi nuo se rang, wi fi beg Jeuova fi elp wi so wi no du dem. Wa mek wi fi du dat? Jeuova a di wan we nuo di bes ting fi wi, an im nuo di bes wie fi gi wi di gud sitn dem we wi waahn.​—Ps 145:16.

WACH DI VIDIYO NO SUMUOK OUT YU LAIF, AN DEN ANSA DEM KWESTIYAN YA:

• Wa mek som piipl sumuok?

• Wa’a som a di bad sitn dem we kyan apm tu yu wen yu sumuok?

• Wa mek it no rait fi sumuok? An wa mek wi no fi du di ada sitn we dem kaal viepin niida?​—2Kor 7:1

• Ef sumadi a presha yu fi sumuok, ou yu kyan tel dem nuo? An ef yu a sumuok aredi, ou yu kyan tap?