Kaa wi av lov iina wi aat, wen it kom aan tu wi breda dem, wi eva a luk fi si di gud iina dem. (1Kor 13:4, 7) So ef wan breda ar wan sista du sitn rang an dem afi get jraa op, wi uop se dem wi tek di elp we dem a get an chienj dem wiez. Wen wi si se wi breda ar wi sista dem no chrang iina wa dem biliiv iina, wi fi tek wi taim wid dem an du wi bes fi elp dem. (Ruo 15:1) Ef sumadi ton dem bak pan Gad an lef di kanggrigieshan, wi naa go tap uop se wan die wan die dem gweehn kom bak.​—Lu 15:17, 18.

WACH DI VIDIYO DI WAN DEM WE AV LOV IINA DEM AAT​—EVA A LUK FI SI DI GUD IINA TINGZ, AN DEN ANSA DEM KWESTIYAN YA:

• A uu Abna did a bak bifuo, an a uu wi si se im a bak nou?

• Ou Dievid did fiil bout wa Abna did aks im fi du, an ou Juowab did fiil bout it?

• Wa mek wi fi eva a luk fi si di gud iina wi breda an sista dem?