Wen Jiizas did a priich an tiich, im yuuz di ting dem we did a apm roun im fi elp di piipl dem. (Lu 13:1-5) Yu kyan yuuz di ting dem we a apm roun yu fi elp di piipl dem fi wel waahn lorn bout Gad Kindom. Laik, afta wi tel dem bout som a di sitn dem we a apm roun wi laik orikien an dem ting de, ou it a get aada an aada fi mek a livin, ar sitn laik dat, den yu kyan aks dem sitn we a-go mek dem tingk. Yu kyan aks dem se: “Yu tingk . . .  a-go eva don wan die?” ar yu kyan aks dem se: “Uu yu tingk kyan fiks dem prablem de?” Den yu kyan shuo dem wan vors iina di Baibl we a taak bout da tapik de. Ef di sumadi waahn nuo muor, shuo dem wan vidiyo ar wan buk ar wan pamplet fram wi Tiichin Tuulbaks. Mek wi du aal we wi kyan du “fi elp pred di Gud Nyuuz”, an wok aad fi riich di piipl dem aat we wi priich tu.​—1Kor 9:22, 23.

Wa an wa di piipl dem laik fi taak bout wich paat yu liv?