DIS A OU AAL UU A FALA JIIZAS FI LIV
Tingk Bout Yuself Di Wie Ou Jeuova Tingk Bout Yu
“Jeuova lov im piipl dem kyaahn don.” (Ps 149:4) Iivn duo wi no porfek, im si di gud wiez dem we wi av an di gud sitn dem we wi kyan du iina di fyuucha. Bot som a di taim, kaaz a di wie ou piipl chriit wi, wi mait-a fiil laik se wi no wot notn. Ar ef wi tingk bout som a di bad sitn dem we wi du aredi, wi mait-a fiil se Jeuova kyaahn riili lov wi. An kaaz a dem sitn ya, wi mait-a fain it aad fi tingk gud tingz bout wiself. Wa kyan elp wi wen wi fiil dem wie ya?
Wi fi memba se Jeuova si tingz we piipl kyaahn si. (1Sa 16:7) So dat miin se wen im luk pan wi, im kyan si tingz we wi no iivn tingk bout wiself. Bot, kaa Jeuova gi wi di Baibl, it kyan elp wi fi si ou Jeuova tingk bout wi. Wen wi riid di Baibl an tek di taim fi tingk bout di sitn dem we wi riid, wi kyan get fi si umoch Jeuova lov di wan dem we a sorv im.
WACH DI VIDIYO YU KYAN TAN OP INFRONTA GAD AN YU KANCHENS NAA BADA YU, AN DEN ANSA DEM KWESTIYAN YA:
-
Di tuori bout sumadi we a ron wan ries an dem faada, wa dat mek wi si bout di wie ou Jeuova tingk bout wi?
-
Ef sumadi du sitn bad an dem du wa dem fi du so dat dem an Jeuova kyan gud agen, ou im kyan tan op infronta Gad an im kanchens naa aalwiez a bada im bout wa im did du?—1Jan 3:19, 20
-
Wen di breda did tek di taim fi riid an tingk bout wa did gwaan wid Dievid an Jeyoshafat, ou dat did elp im?
