DIS A OU AAL UU A FALA JIIZAS FI LIV
Jeuova A Di ‘Faada Fi Di Wan Dem We Na’av No Faada’
Evri ier a wol iip a likl pikni an yong piipl mek op dem main fi ton Jeuova fren. (Ps 110:3) Jeuova lov unu bad. Im nuo se it no iizi fi unu, an im pramis fi elp unu fi gwaan sorv im. Ef a yu mada ar yu faada wan a gruo yu, wi waahn yu fi memba se Jeuova a di ‘faada fi di wan dem we na’av no faada.’ (Ps 68:5) No mata wa a gwaan a yu yaad, yu kyan nuo fi shuor se kaa Jeuova a tiich yu, evriting wi wok out gud fi yu.—1Pii 5:10.
WACH DI VIDIYO DI WAN DEM WE A TAN OP CHRANG AN A FAIT FI WA DEM BILIIV IINA—DI PIKNI DEM WE A ONGGL DEM MADA AR DEM FAADA A GRUO DEM, AN DEN ANSA DEM KWESTIYAN YA:
-
Wa yu lorn fram wa did gwaan wid Tammy, Charles, an Jimmy?
-
Di wan dem we a dem mada ar dem faada wan a gruo dem, wa Saam 27:10 mek dem nuo se?
