DIS A OU AAL UU A FALA JIIZAS FI LIV
Yu Redi Fi Wen Tingz Get Rof An Yu Kyaahn Bai Fuud An So?
Wen wi luk pan wa a gwaan iina di worl, it no shak wi fi si se tingz a get rof an a mek it aada an aada fi piipl bai fuud an dem ting de. An dis a kaa di Baibl did mek wi nuo se wi no fi a “chos iina moni” an wi a liv iina di laas die dem nou. (1Ti 6:17; 2Ti 3:1) Wen wi luk pan wa King Jeyoshafat did du, wa wi kyan lorn bout ou wi kyan get wiself redi fi wen tingz get aad an wi naa no moni fi bai fuud an dem ting de?
Wen som piipl fram som ada konchri did a kom waar gens Jeyoshafat an im piipl dem, im shuo se im did a chos iina Jeuova. (2Ch 20:9-12) Im du evriting we im kuda did du fi get di piipl dem redi. Laik, im mek shuor se it neehn iizi fi dem enimi dem kom rosh di siti dem an im set op som difrant difrant aami kyamp aal bout di plies. (2Ch 17:1, 2, 12, 13) Jos laik Jeyoshafat, wi waahn shuo se wi chos iina Jeuova an gwaan du evriting we wi kyan du fi get wiself redi fi wen aad taim lik wi.
WACH DI VIDIYO YU REDI FI WEN BAD TINGZ A GWAAN IINA YU IERIYA? AN DEN ANSA DEM KWESTIYAN YA:
-
Wa wi kyan du fi mek shuor se wi redi fi wen bad tingz apm iina wi ieriya?
-
Ou wi kyan mek shuor se wi redi fi elp ada piipl?
