Mie 20-26
SAAMZ 40-41
Sang 102 An Prieya | Tingz We Wi Fi Luk Out Fa Iina Di Miitn (1 min.)
1. Wa Mek Wi Fi Elp Ada Piipl?
(10 min.)
It mek wi api wen wi elp ada piipl (Sa 41:1; w18.08-E 22 ¶16-18)
Jeuova a-go elp di wan dem we eva a elp ada piipl (Sa 41:2-4; w15-E 12/15 24 ¶7)
Wen wi elp ada piipl wi big op Jeuova niem (Sa 41:13; Pr 14:31; w17.09-E 12 ¶17)
AKS YUSELF, ‘Mi av sumadi iina mi kanggrigieshan we mi kuda shuo ou dem kyan yuuz di JW Library ap beta?’
2. Di Preshos Tingz Fram Di Baibl
(10 min.)
Sa 40:5-10—Ou Dievid prieya elp wi fi si se a Jeuova av di rait fi ruul uova evribadi an evriting? (it-2-E 16)
Fi da wiik ya, tel wi som a di preshos ting dem we yu lorn fram di Baibl riidin.
3. Di Baibl Riidin
(4 min.) Sa 40:1-17 (th-E stodi 12)
4. Wen Wi Taak Tu Piipl Fi Di Fos Taim
(3 min.) PRIICH TU PIIPL ENIWE YU DE. Staat taak tu sumadi we luk api. (lmd lesn 2 paint 3)
5. Wen Wi Taak Tu Piipl Fi Di Fos Taim
(4 min.) PRIICH TU PIIPL ENIWE YU DE. Staat taak tu sumadi we luk sad. (lmd lesn 3 paint 5)
6. Elp Dem Fi Ton Jiizas Falara
(5 min.) lff lesn 14 paint 6. Taak bout sitn we de iina di lesn fi stodi we niem “Priez Jeuova Iina Di Kanggrigieshan” we de iina di paat we niem “Chek Out Som Muo Sitn” wid wan Baibl stodi we fried fi ansa kwestiyan a miitn. (th-E stodi 19)
Sang 138
7. Wi Fi Du Gud Tingz Fi Di Wan Dem We Op Iina Iej
(15 min.) Taak an kwestiyan.
A nof wok di wan dem we op iina iej du fi Jeuova an im lov dem fi it, an wi lov dem tu. (Iib 6:10) Fram dem a sorv Jeuova til nou, a wol iip a tingz dem du. Laik dem tiich di breda an sista dem, dem elp chrien dem, an dem elp fi bil op di breda an sista dem tu. Yu mait-a kyan tingk bout som tingz we di wan dem we op iina iej du fi elp yu. Wa an wa yu kyan du fi shuo dem se yu tangk dem fi evriting we dem du aredi an di sitn dem we dem a gwaan du iina yu kanggrigieshan?
Plie di VIDIYO ‘Mek Wi Du Gud Tingz Fi Wi Breda An Sista Dem.’ Den aks dem kwestiyan ya:
Wa a som a di sitn we Ji-Hoon did lorn fram Breda Ho-jin Kang?
Wa yu lov bout di breda an sista dem we op iina iej iina yu kanggrigieshan?
Wa wi kyan lorn fram di tuori bout di Samaritan?
Wa mek yu tingk a did wan gud ting se Ji-Hoon did aks ada piipl fi kom elp out Breda Ho-jin Kang tu?
Wen wi tek di taim fi tingk bout we di wan dem we op iina iej iina wi kanggrigieshan a go chuu, wi a-go fain se a nof tingz de we wi kyan du fi elp dem. Wen yu si se sumadi niid som elp, tingk bout wa yu kyan du fi elp dem.—Jmz 2:15, 16.
Riid Gyalieshan 6:10. Den aks da kwestiyan ya:
Wa a som a di ting dem we yu kyan du fi shuo se yu a du gud tingz fi di wan dem we op iina iej iina yu kanggrigieshan?
8. Di Baibl Stodi Fi Wi Miitn
(30 min.) bt chap. 10 ¶1-4, di baks pan piej 79
