Mie 27–Juun 2
SAAMZ 42-44
Sang 86 An Prieya | Tingz We Wi Fi Luk Out Fa Iina Di Miitn (1 min.)
1. Du Di Sitn Dem We Jeuova A Tiich Wi Fi Du
(10 min.)
Chrai fi ga’a aal a di miitn dem an di big miitn dem tu, an ef yu kyan du it yu fi de de roun yu breda an sista dem (Sa 42:4, 5; w06-E 6/1 9 ¶4)
Prie bifuo yu stodi Gad Wod (Sa 42:8; w12-E 1/15 15 ¶2)
Yuuz Gad Wod wen yu a mek op yu main bout evriting we yu a-go du iina yu laif (Sa 43:3)
Wen wi chrai wi bes fi du di sitn dem we Jeuova tiich wi fi du, dat wi elp wi fi go chuu wi prablem dem an wi a-go kyan gwaan sorv im fi eva no mata wa. —1Pii 5:10; w16.09-E 5 ¶11-12.
2. Di Preshos Tingz Fram Di Baibl
(10 min.)
-
Sa 44:19—Wen di vors taak bout “where the jackals dwell,” wa it mait-a miin? (it-1-E 1242)
-
Fi da wiik ya, tel wi som a di preshos ting dem we yu lorn fram di Baibl riidin.
3. Di Baibl Riidin
(4 min.) Sa 44:1-26 (th-E stodi 11)
4. Wen Wi Taak Tu Piipl Fi Di Fos Taim
(4 min.) WEN WI A PRIICH OUS TU OUS. Tel dem se yu kyan stodi di Baibl wid dem. (lmd lesn 5 paint 5)
5. Wen Wi Go Bak Go Taak Tu Dem
(5 min.) WEN WI A PRIICH OUS TU OUS. Invait di sumadi fi kom lisn di taak we gwaan iina di miitn pan di wiiken. Taak bout di vidiyo we niem Wa Apm A Wan Kindom Aal? (lmd lesn 7 paint 5)
6. Wan Baibl Taak
(3 min.) lmd som ada tingz fi luk pan, di A paat, paint 4—Tapik: Wan Taim A-Go Kom Wen Nobadi Naa Go Sik. (th-E stodi 2)
Sang 21
7. Shuo Se Yu Nuo Wa Yu A Du Wen Yu A Mek Op Yu Main Bout Di Kain-a Skuul We Yu A-Go Go An Di Wok We Yu A-Go Du
(15 min.) Taak an kwestiyan.
Yong piipl, we unu a plan fi du wen unu don ai skuul? Yu mait-a a tingk bout wan wok we yu kyan du rait ya nou we kyan mek yu staat paiyanier. Ar yu mait-a a tingk bout som ada tingz we yu kyan go stodi so dat yu kyan lorn wan chried, ar som kain-a sorfitikit we a-go elp yu fi fain wan wok so yu kyan paiyanier tu. Wen yu yong a nof tingz kyan gwaan fi yu! Bot yu mait-a no so shuor bout wa yu fi du an piipl mait-a a presha yu fi du tingz we dem tingk se yu fi du. Wa kyan elp yu fi mek op yu main fi du di rait ting dem?
Riid Matyu 6:32, 33. Den aks dem kwestiyan ya:
-
Wa mek it gud fi nuo wa yu waahn fi du fi sorv Jeuova beta bifuo yu mek op yu main bout wa yu a-go du wen it kom aan tu wok an skuul?
-
Ou di mada an faada dem kyan elp dem pikni dem fi du wa Matyu 6:32, 33 se?—Sa 78:4-7
Wen yu a mek op yu main bout wa fi du, no bada tingk bout tingz we a-go mek shuor se yu av inof moni fi aarait iina laif ar we a-go mek wol iip a piipl nuo yu. (1Jan 2:15, 17) Memba se, wen sumadi av wol iip a moni it kyan aada fi dem lorn di chuut an kom ton Jiizas falara. (Lu 18:24-27) So sumadi we a ron dong moni an dem ting de, it a-go aada fi dem chos iina Gad an du di sitn dem we Jeuova waahn dem fi du.—Mt 6:24; Mk 8:36.
Plie di VIDIYO No Chos Iina Di Sitn Dem We Naa Go Laas Fi Eva!—Moni An Dem Ting De. Den aks da kwestiyan ya:
-
Ou Pravorbz 23:4, 5 kyan elp yu fi nuo di rait ting fi du?
8. Di Baibl Stodi Fi Wi Miitn
(30 min.) bt chap. 10 ¶5-12
