Mie 6-12
SAAMZ 36-37
Sang 87 An Prieya | Tingz We Wi Fi Luk Out Fa Iina Di Miitn (1 min.)
1. “No Mek Wikid Piipl Kaaz Yu Fi Get Beks”
(10 min.)
Wen wi si di sitn dem we wikid piipl a du, it pien wi tu wi aat (Sa 36:1-4; w17.04-E 10 ¶4)
Wen wi aalwiez a get beks bout di sitn dem we “wikid piipl” a du a jos wiself wi a ort (Sa 37:1, 7, 8; w22.06 10 ¶10)
Wen wi tingk bout di sitn dem we Jeuova a-go du fi wi dat kyan elp wi fi av piis iina wi aat an main (Sa 37:10, 11; w03-E 12/1 13 ¶20)
AKS YUSELF, ‘Mi spen tu moch taim a tek iin aal a di wikid sitn dem we mi si a gwaan pan di nyuuz?’
2. Di Preshos Tingz Fram Di Baibl
(10 min.)
-
Sa 36:6—Wa di sumadi we rait da Saam ya mait-a did miin wen im se di sitn dem we Jeuova se rait komiin laik som big big mountn? (it-2-E 445)
-
Fi da wiik ya, tel wi som a di preshos ting dem we yu lorn fram di Baibl riidin.
3. Di Baibl Riidin
(4 min.) Sa 37:1-26 (th-E stodi 10)
4. Wen Wi Taak Tu Piipl Fi Di Fos Taim
(3 min.) WEN WI A PRIICH OUS TU OUS. (lmd lesn 1 paint 5)
5. Wen Wi Go Bak Go Taak Tu Dem
(4 min.) PRIICH TU PIIPL ENIWE YU DE. Aks sumadi we neehn waahn no Baibl stodi ef dem waahn fi stodi di Baibl nou. (lmd lesn 9 paint 4)
6. Wan Baibl Taak
(5 min.) ijwbv-E 45—Tapik: Wa Saam 37:4 Miin? (th-E stodi 13)
Sang 33
7. Yu Redi Fi Wen Som Torbl Sitn Apm Iina Yu Ieriya?
(15 min.) Taak an kwestiyan.
Wen orikien an dem ting de apm an som ada torbl tingz we piipl mait-a du gwaan iina dem ieriya, wi breda an sista dem mait-a en op luuz tingz we dem av laik dem ous an dem ting de, an sumadi fi dem mait-a en op ded tu. (Sa 9:9, 10) Sad fi se, dem sitn ya kyan apm enitaim an so aal a wi afi mek shuor se wi redi fi wen wi afi diil wid dem prablem ya.
So wi nuo se wi fi redi op wiself wid fuud an so a wen orikien an dem ting de a kom, bot wa els a-go kyan elp wi fi go chuu dem taim de?
-
Get yu main an aat redi: Jos tel yuself se orikien an dem ting de a-go apm an tingk bout wa yu a-go du wen it apm. Mek shuor se yu no lov di sitn dem we yu av tu moch. Dis wi elp yu fi nuo wa fi du so dat yu kyan siev fi yu laif an ada piipl laif tu, aal ef it miin se yu afi ron we lef yu ous an dem ting de. (Je 19:16; Sa 36:9) An wan neda ting a dat, ef yu no lov di sitn dem we yu av tu moch, it wi elp yu fi no a fret an wori wori op yuself ef orikien an dem ting de kom an yu en op luuz aal a dem sitn de.—Sa 37:19
-
Mek shuor se yu an Jeuova gud: Nuo se Jeuova kyan tek kier a yu an im waahn fi dwi’it tu. (Sa 37:18) Bifuo sitn bad apm, spen taim a tingk bout ou Jeuova kyan elp im piipl dem fi go chuu eniting, aal ef it miin se a onggl dem laif dem av wen it don. —Jer 45:5; Sa 37:23, 24
Wen wi kip wi main pan di gud sitn dem we Jeuova a-go du fi wi, im a-go bi di wan we kip wi chrang wen bad tingz apm.—Sa 37:39.
Plie di VIDIYO Yu Redi Fi Wen Bad Tingz A Gwaan Iina Yu Ieriya? Den aks dem kwestiyan ya:
-
Ou Jeuova kyan elp wi wen bad tingz a gwaan iina wi ieriya?
-
Wa a som tingz we wi kyan du fi redi op wiself bifuo dem sitn de apm?
-
Ou wi kyan elp ada piipl wen bad tingz a gwaan iina dem ieriya?
8. Di Baibl Stodi Fi Wi Miitn
(30 min.) bt chap. 9 ¶8-16
Di Laas Paat A Di Miitn (3 min.) |
a Luk pan di Awake! No. 5 2017, piej 4-6.
