Di miitn dem we wi kip fi fiil sorvis komiin laik aal a wi ada miitn dem kaaz, dem a sitn we Jeuova gi wi fi elp wi fi gwaan push wi wan aneda fi shuo lov an fi du di gud sitn dem. (Iib 10:24, 25) Di miitn dem fi bi bout faiv tu sevn minit, an iina da taim de unu fi saat out uu a-go wok tugeda, wich paat dem a-go priich, an se wan prieya. (Di miitn fi fiil sorvis fi shaata ef it a kip afta wan neda miitn don.) Di breda we a kip di miitn fi sorvis fi mek shuor se im tel di breda an sista dem sitn we kyan elp dem iina dem sorvis. So laik wen di miitn a kip pan Satde, an yu wuda av wol iip a piipl we neehn go iina sorvis iina di wiik, it wuda gud fi tingk bout som sitn we yu kyan se fi elp dem. Wa’a som ada sitn we yu kyan taak bout wen yu a kip di miitn fi fiil sorvis?

• Wan a di tingz we wi kyan se fram di Dis A Ou Kristiyan Fi Liv An Priich​—Stodibuk Fi Di Miitn

• Shuo ou dem kyan yuuz sitn we a gwaan iina di nyuuz fi staat taak tu sumadi

• Shuo dem wa dem kyan se tu sumadi we neehn waahn dem priich tu dem

• Shuo wa dem kyan se tu sumadi we no biliiv iina Gad, ar sumadi we no biliiv se a Gad mek wi, ar sumadi we taak wan neda langwij, ar dem biliiv iina wan rilijan we nof piipl no nuo bout wich paat yu liv

• Shuo sitn we dem kyan yuuz di jw.org websait, di JW Library^® ap, ar di Baibl fi du

• Shuo ou dem kyan yuuz wan a di sitn dem we iina wi Tiichin Tuulbaks

• Shuo ou dem kyan priich tu sumadi pan di fuon, rait leta, du kyaat wok, go bak tu sumadi we dem did priich tu bifuo ar du wan Baibl stodi

• Tel dem ou dem kyan kip sief, ou dem kyan chienj op ou dem du tingz, ou dem fi shuo rispek wen dem a taak tu piipl, ou dem kyan gwaan enjai dem sorvis ar sitn els laka dem ya

• Taak bout wan a di lesn dem ar wach wan a di vidiyo dem fram di Apply Yourself to Reading and Teaching pamplet

• Shuo wa dem kyan du fi elp di sumadi we dem a wok iina sorvis wid

• Tel dem bout wan skripcha we kyan elp dem ar bout sitn gud we did apm iina fiil sorvis