Di prieya dem we Jeuova lov a di wan dem we “komiin laik spais” we dem bon a Gad ous “we sumel swiit”. (Ps 141:2) Wi shuo se wi an Jeuova a gud gud fren wen wi mek im nuo umoch wi lov im, an wen wi tangk im fi aal a di sitn dem we im du fi wi. Plos, wi shuo se wi an im a gud gud fren wen wi tel im bout di tingz dem we a bada wi, wen wi tel im bout di sitn dem we wi waahn, an wen wi aks im fi mek wi nuo wa fi du. Jeuova lov di shaat prieya dem we wi se a wi miitn dem. Bot wen wi a se wi uona prieya dem Jeuova lov wen wi tek wi taim an tel im aal wa de pan wi main an wa iina wi aat.​—Pr 15:8.

WACH DI VIDIYO MI AALWIEZ A PRIE, AN DEN ANSA DEM KWESTIYAN YA:

• Wa kain-a speshal wok breda Johnson did get fi du fi Jeuova?

• Ou breda Johnson aalwiez shuo se im prie tu Jeuova an dipen pan im?

• Wa wi kyan lorn fram breda Johnson?