DIS A OU AAL UU A FALA JIIZAS FI LIV
Wa Mi Kyan Du So Dat Piipl Kyan Gwaan Tingk Gud Tingz Bout Wi?
Piipl eva a luk pan di sitn dem we di Jeuova Witnis dem a du. (1Kor 4:9) Wi kyan aks wiself da kwestiyan ya, ‘Mi a big op Jeuova wid di sitn dem we mi se an we mi du?’ (1Pii 2:12) Kaaz a di gud sitn dem we di Jeuova Witnis dem a du fi wol iip a ierz, a nof gud tingz piipl tingk bout wi. So wi no waahn fi eva du notn we a-go mek piipl tap tingk dem wie de.—Ec 10:1.
Luk pan dem sitn ya we kyan gwaan an rait dong wa sumadi we a fala Jiizas fi du, an den rait dong sitn fram di Baibl we dem kyan riizn pan we kyan elp dem:
-
Sumadi we naa sorv Jeuova a kos yu aaf
-
Yu ous, yu kyaar, ar yu kluoz dem doti bad
-
Sitn we di govament se piipl fi du aad fi dem du ar piipl tingk se it no fier
A ou di wok we di breda an sista dem iina di Raitin Dipaatment a du elp fi mek piipl tingk gud tingz bout wi?
WACH DI VIDIYO DEM A DU TINGZ FI MEK PIIPL LOV DI CHUUT AN AV NOF RISPEK FI IT, AN DEN ANSA DA KWESTIYAN YA:
Wen yu luk pan wa di aaganaizieshan du fi mek shuor se di sitn dem we de iina wi buk an pamplet dem a so it go fi chuu, wa yu laik bout dat?