Novemba 18-24
SAAMZ 107-108
Sang 7 An Prieya | Tingz We Wi Fi Luk Out Fa Iina Di Miitn (1 min.)
1. Wi Fi Tangk Jeuova Kaa Im Gud
(10 min.)
Jeuova did siev di Izrel piipl dem wen im tek dem outa Babilan, an a siem wie im a siev wi tu wen im tek wi outa Sietan worl (Sa 107:1, 2; Kol 1:13, 14)
Kaa wi tangk Jeuova, a dat mek wi a-go big im op wen wi go a wi miitn dem (Sa 107:31, 32; w07-E 4/15 20 ¶2)
Wen wi tingk bout di sitn dem we Jeuova du fi shuo wi umoch im lov wi, dat a-go elp wi fi tangk im muor (Sa 107:43; w15-E 1/15 9 ¶4)
2. Di Preshos Tingz Fram Di Baibl
(10 min.)
-
Sa 108:9—Wa it mait-a did a taak bout wen it se Muowab komiin laik Gad “washbasin,” ar “washing pot”? (it-2-E 420 ¶4)
-
Fi da wiik ya, tel wi som a di preshos ting dem we yu lorn fram di Baibl riidin.
3. Di Baibl Riidin
(4 min.) Sa 107:1-28 (th-E stodi 5)
4. Wen Wi Taak Tu Piipl Fi Di Fos Taim
(3 min.) PRIICH TU PIIPL ENIWE YU DE. (lmd lesn 1 paint 4)
5. Wen Wi Go Bak Go Taak Tu Dem
(4 min.) PRIICH TU PIIPL ENIWE YU DE. Tel di sumadi bout ou wi stodi di Baibl wid piipl an gi dem wan a wi Baibl stodi kyaad dem. (lmd lesn 9 paint 3)
6. Wan Baibl Taak
(5 min.) ijwyp-E 90—Tapik: Wa Kyan Elp Mi Fi Aalwiez A Tingk Bout Tingz Iina Wan Gud Wie? (th-E stodi 14)
Sang 46
7. Wen Wi Sing Wi A Shuo Jeuova Se Wi Tangk Im
(15 min.) Taak an kwestiyan.
Jeuova did siev di Izrelait dem wen dem did fried bad wen dem did de a di Red Sii an di Ijipshan dem did a kom rosh dem. So kaaz dem did so api fi wa im du, dem staat fi sing. (Ek 15:1-19) An a di man dem did staat fi sing di sang fos. (Ek 15:21) Jiizas an di fos set a Kristiyan dem did sing sang fi big op Gad tu. (Mt 26:30; Kol 3:16) A siem so, wen wi de a wi miitn, wi kanvenshan dem, an wi sorkit miitn dem wi sing fi shuo Jeuova se wi tangk im. Laik di sang we wi jos sing we niem, “Wi Tangk Yu, Jeuova,” a fram 1966 wi a sing da sang ya a wi miitn dem.
Iina som a di konchri dem, som a di man dem mait-a fiil a wie fi sing infronta piipl. An som ada piipl mait-a no tuu-tuu waahn sing di sang dem kaa dem fiil laik se dem kyaahn sing gud. Bot wi fi memba se, wen wi sing a wi miitn dem a sitn we wi du fi worship Jeuova. A nof wok Jeuova aaganaizieshan a du fi mek di sang dem an fi pik di wan dem we wi sing wen wi go a di miitn dem. So di onggl ting we wi afi du a fi sing fram wi aat wid wi breda an sista dem fi shuo wi Faada se wi tangk im, an dat a no notn aad fi wi du.
Plie di VIDIYO Ou Wi Du Tingz Fram Bak Iina Di Diez Til Nou—Di Sang Dem We Gad Gi Wi, Paat 2. Den aks dem kwestiyan ya:
-
Wa a di big ting we did apm iina 1944?
-
Ou wi breda an sista dem iina Saibiiriya did shuo se dem lov fi sing wi sang dem?
-
Wa mek fi sing wi sang dem a wan big ting fi di Jeuova Witnis dem?
8. Di Baibl Stodi Fi Wi Miitn
(30 min.) bt chap. 18 ¶6-15
