Iina Novemba, wi a-go du evriting we wi kyan du fi mek piipl nuo se wan beta worl suun kom. (Sa 37:10, 11; Re 21:3-5) Chrai an mek som taim so yu kyan go wok aad aad fi dwi’it. Di wan dem we a aagzilari paiyanier kyan du torti ar fifti owa fi di mont.

Yuuz wan skripcha fi mek di piipl dem iina yu ieriya nuo bout di nyuu worl. Wen yu a pik wich skripcha fi yuuz, tingk bout di sumadi we yu a taak tu an wa dem biliiv iina. Ef di fos taim yu taak tu dem di sumadi se dem waahn nuo muor, gi dem wan a Di Wachtowa No. 2 2021. Mek shuor yu taak bak tu dem kwik kwik an chrai stodi di Baibl wid dem wid di pamplet we niem Yu Kyan Bi Api Nou An Fi Eva! It mek wi api wen wi a du evriting we wi kyan du fi tel piipl di “gud nyuuz se sitn beta a-go kom”!​—Ai 52:7.

WACH DI VIDIYO FI DI NYUU SANG WE NO IINA DI SANGBUK THE NEW WORLD TO COME, AN DEN ANSA DEM KWESTIYAN YA:

• Wa’a som a di nais sitn dem we a-go apm iina di fyuucha we di likl gyal pikni did a tingk bout?

• Wa’a som a di nais sitn dem we yu a luk faawod tu we a-go apm iina di nyuu worl?

• Wen yu tingk bout di gud sitn dem we Jeuova a-go du fi yu, ou dat kyan elp yu fi wok aad aad iina Novemba fi tel piipl bout di nyuu worl we a-go kom?​—Lu 6:45