Wi laif iina dem laas die ya ful op a bie prablem. An di niera wi get tu di taim wen di worl a-go don, tingz a-go get aada an aada. Fuud an ada tingz mait-a shaat. (Hab 3:16-18) Wen laif get aad, ou wi kyan shuor se wi a-go get di elp we wi niid fi diil wid it? No tap chos iina Jeuova. Im pramis fi tek kier a im piipl dem an im kyan tek kier a wi no mata wa wi a go chuu.​—Ps 37:18, 19; Iib 13:5, 6.

Wa yu kyan du:

• Beg Jeuova fi mek yu waiz an fi elp yu fi nuo wa fi du.​—Ps 62:8

• Mek op yu main fi du wok we yu neehn du bifuo.​—g-E 1/10 8-9, di baks dem

• No tap du di ting dem we a-go mek yu stie kluos tu Jeuova. Laik yu fi riid Gad wod evridie, go a di miitn dem, an go a sorvis regila

WACH DI VIDIYO MEK YU FAMBILI CHRANG​—“SATISFAI WID WAT-EVA UNU AV,” AN DEN ANSA DEM KWESTIYAN YA:

• Wa a som prablem we som fambili go chuu?

• Wa fi kom fos iina wi laif?

• Wa wi kyan du fi elp di wan dem we av it aad iina laif?