Aktuoba 7-13
SAAMZ 92-95
Sang 84 An Prieya | Tingz We Wi Fi Luk Out Fa Iina Di Miitn (1 min.)
1. Fi Sorv Jeuova A Di Bes Ting We Yu Kyan Eva Du Wid Yu Laif!
(10 min.)
A Jeuova a di wan we wi fi worship kaa im du aal kain-a gud tingz fi wi (Sa 92:1, 4; w18.04-E 26 ¶5)
Im mek im piipl dem nuo wa fi du so dat dem kyan riili api (Sa 92:5; w18.11-E 20 ¶8)
Aal wen dem uol, im stil lov di wan dem we a sorv im (Sa 92:12-15; w20.01-E 19 ¶18)
AKS YUSELF, ‘Wa mek mi no gi mi laif tu Jeuova an get baptaiz?’
2. Di Preshos Tingz Fram Di Baibl
(10 min.)
-
Sa 92:5—Ou dem wod ya mek wi si se Jeuova waiz bad? (cl-E 176 ¶18)
-
Fi da wiik ya, tel wi som a di preshos ting dem we yu lorn fram di Baibl riidin.
3. Di Baibl Riidin
(4 min.) Sa 94:1-23 (th-E stodi 5)
4. Wen Wi Taak Tu Piipl Fi Di Fos Taim
(4 min.) PRIICH TU PIIPL ENIWE YU DE. Wen yu a taak tu di sumadi, fain wan wie fi tel dem se yu tiich piipl bout di Baibl. (lmd lesn 5 paint 3)
5. Wen Wi Go Bak Go Taak Tu Dem
(3 min.) PRIICH TU PIIPL ENIWE YU DE. Tel sumadi uu did se dem neehn waahn fi stodi di Baibl se yu kyan stodi di Baibl wid dem nou ef dem waahn. (lmd lesn 8 paint 4)
6. Elp Dem Fi Ton Jiizas Falara
(5 min.) Taak wid wan Baibl stodi we naa shuo se dem redi fi du di sitn dem we dem niid fi du fi ton Jiizas falara. (lmd lesn 12 paint 5)
Sang 5
7. Wen Di Yong Piipl Dem A Fret An A Wori Wori Op Demself
(15 min.) Taak an kwestiyan.
Aal di wan dem we a sorv Jeuova a-go fain se som a di taim dem a-go fret an wori wori op demself. Di Baibl tel wi bout man laik Dievid we nof a di taim im did a fret an wori wori op imself, an a di sed ting a gwaan wid nof a wi breda an sista dem tide. (Sa 13:2; 139:23) An wi a si se aal di yong piipl dem a fret an a wori wori op demself tu. Som a di taim wen dis a gwaan, it mait-a mek it aad fi dem du sortn tingz laik fi ga’a skuul, ar fi iivn go a di miitn dem. Som a di taim dem mait-a fiil laik dem aat a biit faas faas an dem kyaahn tek iin no ier, laik dem a-go ded. Ar som a dem mait-a aal fiil laik dem waahn fi kil demself.
Yong piipl, ef yu fain se yu eva fiil dem wie de, chrai an go taak tu yu mada ar yu faada ar wan neda sumadi we uolda dan yu we yu nuo se yu kyan chos. An mek shuor se yu prie tu Jeuova an beg im fi elp yu wid wa yu a go chuu. (Fil 4:6) An yu kyan nuo fi shuor se im a-go elp yu. (Sa 94:17-19; Aiz 41:10) Luk pan wa Steing did go chuu.
Plie di VIDIYO Jeuova Tek Kier A Mi. Den aks dem kwestiyan ya:
• A wich Baibl vors did elp Steing, an wa mek?
• A ou Jeuova did tek kier a im?
Unu we a mada an faada, wen unu tek unu taim wid unu pikni dem an unu lisn tu dem an mek dem nuo se unu lov dem an unu elp dem fi si ou dem kyan chos iina Jeuova an nuo fi shuor se im lov dem tu, dat wi elp dem wen dem a fret an wori wori op demself. (Tai 2:4; Jmz 1:19) Aks Jeuova fi elp yu fi gwaan tan op chrang so dat yu kyan elp yu pikni dem fi diil wid di prablem dem we dem a go chuu.
Wi mait-a no nuo wen sumadi iina fi wi kanggrigieshan a fret an a wori wori op demself so moch dat dem a fain it aad fi diil wid tingz iina dem laif. An wi mait-a no riili andastan ou dem fiil niida. Bot wa wi kyan du a mek shuor se evribadi iina wi kanggrigieshan kyan si se wi lov dem an dat dem a paat a Jeuova fambili.—Pr 12:25; Iib 10:24.
8. Di Baibl Stodi Fi Wi Miitn
(30 min.) bt chap. 16 ¶6-9, an di baks we de pan p. 132
