Septemba 16-22
SAAMZ 85-87
Sang 41 An Prieya | Tingz We Wi Fi Luk Out Fa Iina Di Miitn (1 min.)
1. Wen Wi Prie It Elp Wi Fi Gwaan Tan Op Chrang
(10 min.)
Aks Jeuova fi mek yu api no mata wa (Sa 86:4)
Aks Jeuova fi elp yu fi gwaan stik tu im (Sa 86:11, 12; w12-E 5/15 25 ¶10)
Nuo se Jeuova a-go ansa yu prieya dem (Sa 86:6, 7; w23.05 13 ¶17-18)
AKS YUSELF, ‘Wen mi a go chuu mi prablem dem, mi fain se mi prie muor an mi prieya dem langga?’—Sa 86:3.
2. Di Preshos Tingz Fram Di Baibl
(10 min.)
Sa 86:11—Wen wi luk pan di prieya we Dievid did prie, wa dat kyan tel wi bout di kain-a fiilinz we sumadi mait-a av iina dem aat? (it-1-E 1058 ¶5)
Fi da wiik ya, tel wi som a di preshos ting dem we yu lorn fram di Baibl riidin.
3. Di Baibl Riidin
(4 min.) Sa 86:1–87:7 (th-E stodi 12)
4. Wen Wi Taak Tu Piipl Fi Di Fos Taim
(3 min.) PRIICH TU PIIPL ENIWE YU DE. Tel dem se yu kyan stodi di Baibl wid dem. (lmd lesn 3 paint 5)
5. Wen Wi Go Bak Go Taak Tu Dem
(4 min.) PRIICH TU PIIPL ENIWE YU DE. Tel sumadi we di laas taim yu did taak tu dem, dem did tel yu se dem a wori bout sitn we a gwaan rait ya nou, se yu kyan stodi di Baibl wid dem. (lmd lesn 7 paint 4)
6. Elp Dem Fi Ton Jiizas Falara
(5 min.) lff lesn 15 paint 5. Mek di sumadi we yu a stodi wid nuo se yu naa go de bout neks wiik an taak bout wa unu a-go du so dat dem stodi kyan stil gwaan. (lmd lesn 10 paint 4)
Sang 83
7. No Gi Op
(5 min.) Taak an kwestiyan.
Plie di VIDIYO. Den aks dem kwestiyan ya:
Wa mek som a di taim wen wi a priich an tiich wi mait-a fiil laik se wi kyaahn bada no muo?
Wa mek wi no fi gi op?
8. No Tap Mek Piipl Nuo Se Yu Kyan Stodi Di Baibl Wid Dem
(10 min.) Taak an kwestiyan.
Iina da mont ya wi a wok aad fi yuuz di Yu Kyan Bi Api Nou An Fi Eva! buk fi staat Baibl stodi wid piipl. Yu get fi staat wan? Yu api bad no chuu? An wi nuo se ada piipl api fi si se yu get fi staat wan tu. Bot ef yu no get fi staat no Baibl stodi yet, yu mait-a a wanda ef yu jos a wok fi notn. Wa yu kyan du ef yu fiil a wie kaa yu no get fi staat no Baibl stodi?
Plie di VIDIYO ‘Wi Shuo Se Wi A Gad Sorvant Wen Wi Tek Taim Wid Piipl’—Wen Wi A Priich. Den aks dem kwestiyan ya:
Ou 2 Korintiyan 6:4, 6 kyan elp wi ef wen wi a priich an tiich wi fiil laik se wi jos a wok fi notn?
Ef yu fain se yu a wok aad fi staat wan Baibl stodi an yu no get fi staat non, wa a som tingz we yu tingk yu kuda chienj op?
Memba se a no di mount a Baibl stodi we wi du we a-go mek wi api. Wa a-go mek wi api a wen wi nuo se Jeuova api wid wa wi a du. (Lu 10:17-20) So gwaan du yu bes fi wok aad aad fi staat stodi di Baibl wid piipl iina da mont ya, an yu kyan ‘nuo fi shuor se aal we yu a du fi Gad yu naa du fi notn’!—1Kor 15:58.
9. Di Baibl Stodi Fi Wi Miitn
(30 min.) bt chap. 15 ¶13-14, an di baks we de pan p. 121
