“Thy Kingdom Come”—Uol Iip A Piipl Se Dem Wod Ya Uova An Uova Wen Dem A Prie
A dangki ierz nou piipl a prie an a se “Thy kingdom come.” Ya’a wan a dem? Wa mek piipl a prie uova an uova fi di Kindom fi kom? Dem a dwi’it kaaz Jiizas did tel im falara dem fi prie fi Gad Kindom.
Di fos taim wen Jiizas did tel im falara dem bout di Kindom, dem neehn riili andastan aal a wa im did a taak bout. Iina Aks 1:6, dem aks im se: “Laad, a nou yu a-go kaaz di Izrelait dem fi ruul agen?” Bot iina vors 7 wi si se Jiizas neehn tel dem wen Gad Kindom wuda kom. Sins Jiizas neehn gi dem di ansa da taim de, dat no miin se wi kyaahn go nuo bout Gad Kindom an wen it a-go kom.
Iina da Wachtowa ya, yu wi get di ansa fi dem kwestiyan ya:
Wa mek wi niid Gad Kindom fi kom?
Uu a di King we a ruul iina Gad Kindom?
A wen Gad Kindom a-go staat fi ruul uova di ort?
Wa Gad Kindom a-go du fi wi?
Wa mek yu fi a du tingz nou fi shuo se a Gad Kindom yu se?
Wa a Gad Kindom?
You May Also Like
ESSENTIAL BIBLE TEACHINGS
Di Kindom A Gad—A Wa?
Wen Jiizas did de pan di ort an a priich, Gad Kindom a di mien ting we im did tiich bout. Fi uol iip a ier, im falara dem a prie fi da Kindom de kom.
