Nof a di breda an sista dem yuuz di sitn dem we de pan di front paat a di jw.org websait iina fiil sorvis kaa dem iizi fi sen tu piipl pan dem fuon an kompyuuta an dem ting de. An it mek piipl nuo se wa a apm nou a wa di Baibl se did a-go apm. Wan breda se di sitn dem we de pan di front paat a di websait “a sitn we wi riili niid fi elp wi out wen wi a du di priichin wok iina dem taim ya.”

Bot a nof taim dem sitn ya, we kom pan di front paat a di websait, chienj an wan nyuu sitn put op, so yu mait-a de wanda bout ou yu kyan fain di wan dem we gaan aredi.

• Pan di front paat a di jw.org websait, klik pan di botn we niem “Som Ada Wan” we de nier tu di tap. Wen yu du dis, it a-go uopm op wan paat pan di websait we niem “Som Tingz We No Tuu Lang Put Op Pan Di Front Paat A Di Websait.” Ya-so yu a-go si di sitn dem we no tuu lang did put op pan di front paat a di websait.

• Pan jw.org ar iina di JW Library^® ap, klik pan “Laibri,” den klik pan “Som Tingz We Yu Kyan Get Pan Di Websait,” an den klik pan “Som Ada Tapik.” Da paat ya av nof a di sitn dem we kom pan di front paat a di websait.