Wen yu luk pan di sitn dem iina da paat ya, it a-go elp yu fi andastan Gad Wod beta. It mait-a elp yu fi nuo wich paat sitn did apm, an wa did a gwaan wen taim di vors did a rait. An yu mait-a si wa mek dem rait it an uu dem did a rait it fa. An it mait-a tel yu wa wan wod ar wan likl sitn we dem se miin.

Wen yu a luk pan wan Baibl vors iina di Watchtower ONLINE LIBRARY^™ an iina di JW Library^® ap, yu kyan get fi si di sitn dem iina di Research Guide we av fi du wid da Baibl vors de. Eniting we wi av we taak bout dem vors de a-go kom op pan di said a di piej.

Wen yu a yuuz it, luk pan di diet dem gud. Di nyuu wan dem a-go de a di tap, an den yu a-go av di lang taim wan dem we av sortn tingz iina dem we wi yuus tu biliiv we wi no biliiv no muor.

• Yu aalwiez a-go si di sitn dem iina di Research Guide we av fi du wid wan vors wen yu a yuuz di Watchtower ONLINE LIBRARY.

• Fi si di sitn dem iina di Research Guide pan di JW Library ap, yu afi dongluod di Research Guide an dongluod di nyuu wan dem wen dem put dem op pan di ap. Fi du dat, go “Library,” den go “Index,” an den pres pan di lietis Research Guide an dongluod it.