Sitn We Yu Kyan Yuuz Fi Stodi
Wa a di fos ting dem yu fi stodi?
Wi no aalwiez av nof taim fi du wi uona Baibl stodi, so wa wi kyan du fi mek shuor se wi no wies wi taim? Di fos ting yu kyan du a tek taim an riid wa yu a riid. No bada rosh chuu di ting. It wi elp ef yu stodi wan likl bit a sitn gud dan ef yu a chrai fi kil aaf yuself fi riid aaf wan uol iip a sitn faas.
Nuo wa a di fos sitn yu a-go stodi. (Ifii. 5:15, 16) Si som sitn ya we yu kyan du:
Riid di Baibl evridie. (Sa. 1:2) Wan gud ting we yu kyan du fi staat a riid di paat a di Baibl we wi fi riid fi di miitn we wi kip iina di wiik.
Bifuo yu go a di miitn dem, mek shuor yu stodi di Wachtowa an di Stodibuk fi di miitn we wi kip iina di wiik. Mek shuor se yu stodi gud so yu kyan put op yu an an ansa kwestiyan.—Sa. 22:22.
An wen yu av muor taim, chrai fi riid di magaziin dem we wi gi tu piipl, an wach di vidiyo dem, an riid an lisn di ada sitn dem we de pan di jw.org websait.
It wuda nais ef yu stodi bout sitn we yu wuda waahn lorn muor bout. Ef yu av wan prablem, ar yu no shuor bout sitn, ar yu waahn fi andastan muor bout sitn we di Baibl taak bout, yu kyan stodi bout it. Fi nuo bout som ada sitn we yu kyan stodi bout, yu kyan luk pan di paat we niem “Bible Study Activities” pan di jw.org websait.