Sitn We Kyan Elp Yu Wen Yu A Stodi
Som Sitn We Di Pikni Dem Kyan Du
Di mada an faada dem av wan big jab fi tiich dem pikni dem bout Jeuova. (Ifii. 6:4) Jeuova aaganaizieshan gi di mada an faada dem nof tingz we kyan elp dem fi du dat. Ou yu kyan yuuz dem sitn de fi elp yu pikni dem?
Yu afi nuo we fi fain dem. JW.ORG av aal a di sitn dem we Jeuova aaganaizieshan mek fi di yong piipl dem, laik di vidiyo dem an som sitn we yu kyan print out an mek yu pikni dem du. a Fi fain dem sitn ya, taip iin “Pikni” ar “Tiinieja” iina di paat we yu kyan sorch fi tingz.
Pik sitn we kyan elp yu pikni dem. Di sitn dem we yu kyan fain anda di paat we niem “Fi Di Pikni Dem” kyan elp yu fi pik sitn we kyan elp yu pikni dem.
Du it wid dem. No yuuz wi vidiyo dem an di sitn dem we yu kyan print out dis fi mek yu pikni av sitn fi du. Wa yu fi du a taak bout di sitn we yu pik wid yu pikni dem an elp dem so das dem an Jeuova kyan ton gud fren.
a Aal a di vidiyo dem fi di yong piipl dem, we iina Patwa we de pan JW.ORG, de iina di JW Library® ap tu.
