Lov Yu Fi Chuu
1. Yu kech mi yai, an den wi staat taak.
Lov tek taim gruo diip iina wi aat.
Kaa Jeuova gi wi lov we riil,
Mi jos waahn yu fi nuo ou mi fiil.
(KUOROS)
Kaa biebi yu nuo se wen Ja de pan wi said,
Fi wi lov gweehn gruo
Chrang an tait.
Im wi elp wi fi chuuz wa im waahn wi fi du.
Mi tangk Gad kaa im gi mi tu yu.
Mi lov yu fi chuu,
Lov yu fi chuu.
2. Somtaim wi mait no grii;
A no evridie tingz a-go swiit.
Bot wi naa go mek dat mash op wi laif.
Wi a-go eng aan tait wid aal a wi mait.
Eng aan, eng aan ye.
(KUOROS)
Kaa biebi yu nuo se wen Ja de pan wi said,
Fi wi lov gweehn gruo
Chrang an tait.
Im wi elp wi fi chuuz wa im waahn wi fi du.
Mi tangk Gad kaa im gi mi tu yu.
Mi lov yu fi chuu,
Lov yu fi chuu.
(BRIJ)
Fi wi lov wi neva fied.
Gad se fi fan di faiya gwaan mek it bliez.
Jeuova Gad se fi tek ar az yu waif,
An den gi ar yu lov fi di res a yu laif.
So a yu mi gweehn lov, an jos yu mi’a-go gi
Aal mi lov fi az lang az mi liv.
3. So biebz, mi jos waahn yu fi nuo
Se mi lov fi yu gweehn gruo muor an muor.
Mi tangk Jeuova se yu a mi kwiin.
Mi glad yu mek mi gi yu di ring.
Ye, fi riil.
(KUOROS)
Kaa biebi yu nuo se wen Ja de pan wi said,
Fi wi lov gweehn gruo
Chrang an tait.
Im wi elp wi fi chuuz wa im waahn wi fi du.
Mi tangk Gad kaa im gi mi tu yu.
Mi lov yu fi chuu,
Lov yu fi chuu.
Mi tangk Gad kaa im gi mi tu yu.
Mi lov yu fi chuu.
