SANG 75
Du, Sen Mi Laad!
(Isaiah 6:8)
-
1. Jos luk pan ou di piipl dem
A disrispek Jeuova niem.
Som fait gens aal a we Gad se,
An som se dat no Gad no de.
So uu gweehn tiich di chuut tu dem?
A uu gweehn stan op fi Gad niem?
(KUOROS 1)
Mi waahn fi go! Du, sen mi Laad!
Mi waahn fi go an mek yu glad.
Mi redi, Gad, wid aal a mi aat.
Si mi ya! Du, sen mi Laad!
-
2. Som piipl laaf an aks wi se,
“Ou Gad no kom yet? We im de?”
Som worship faalz gad we dem mek.
Dem chriit Gad laik wan sekan bes.
So uu gweehn elp dem andastan?
An uu gweehn shuo dem wa a gwaan?
(KUOROS 2)
Mi waahn fi go! Du, sen mi Laad!
Mi waahn fi go an mek yu glad.
Mi redi, Gad. Mi no fried at aal.
Si mi ya! Du, sen mi Laad!
-
3. Di ombl piipl wiet pan Gad,
An dem no ron go du wa bad.
Dem waahn sorv Gad kaaz im so kain,
An dem a chrai fain piis-a-main.
So uu gweehn gi gud nyuuz tu dem?
A uu Jeuova Gad gweehn sen?
(KUOROS 3)
Mi waahn fi go! Du, sen mi Laad!
Mi waahn fi go an mek yu glad.
Mi redi, Gad, fi elp uu mi kyan.
Si mi ya! Du, sen mi Laad!
(Riid Ps. 10:4; Ezek. 9:4 tu.)
