Iina 2023, nof a di dakta dem get fi si se nof piipl a get sad kaa dem fiil laik dem na’av nobadi roun dem we bizniz wid dem an se dem niid fi du sitn bout it. Yu tingk wi riili kyan get rid a da prablem ya?

•   Dakta Vivek Murthy, wan big taim dakta we wok wid di govament iina Merika, se dis: “Wen wi get sad kaa wi fiil laik wi no av nobadi roun wi we bizniz wid wi, dat kyan riili mash op wi badi. Bot ef wi du likl likl tingz evridie so dat wi an wi fren dem get kluos kluos, dat kyan elp wi fi no fiil laik wi de bai wiself.” a

 Som piipl fiil laik dem no av nobadi roun dem we bizniz wid dem kaa dem naa get fi miit op wid piipl an spen taim wid dem. An som fiil da wie de iivn wen dem we roun wan bag a piipl. Bot aal ef a sitn els mek wi fiil laik wi no av nobadi roun wi we bizniz wid wi, di Baibl kyan elp wi fi diil wid it. It tel wi som tingz we wi kyan du fi lak taita wid wi fren dem so wi no fiil laik se wi no av nobadi roun wi we bizniz wid wi.

 Lorn ou fi taak tu piipl an lisn tu dem tu. No onggl taak bout ou yu a fiil, mek shuor se yu aalwiez a luk out fi ada piipl tu. Dat wi elp yu fi av som gud fren.

•   Sitn we di Baibl se we yu kyan riizn pan: “Unu no fi luk out onggl fi unuself wan, bot unu fi kier bout unu breda an sista dem tu.”—Filipiyan 2:4.

 Chrai an mek som nyuu fren. No fried fi ton fren wid piipl we a no fi yu iej ar wid piipl we kom fram wan difrant konchri.

•   Sitn we di Baibl se we yu kyan riizn pan: “Lov wi wid evriting we de iina unu aat.”—2 Korintiyan 6:13.

 Fi fain out ou yu kyan get fi av som gud fren, riid dis: “Satisfying Our Hunger for Friendship.”