Yu si kaa piipl yuus tu chriit Jiizas bad an du uol iip a tingz fi ort im, im nuo wa sofarieshan komiin laik. Dem friem im, biit biit im op, jrag im ga’a kuot ous go tel uol iip a lai pan im an mek im sofa bifuo dem morda im. Iivn duo im neehn du notn rang, im did redi fi “gi op im laif so piipl kyan get frii fram dem sin.” (Matyu 20:28; Jan 15:13) Yu si kaa im a di King fi Gad Kindom, im a-go mek shuor se evribadi get jostis an don we wid kraim an vailens.—Aizaiya 42:3.

 Si wan likl prips ya a ou di Baibl se di worl a-go tan wen Jiizas a ruul:

•   “Likl fram dis, no muo wikid piipl naa go de bout agen; dem naa go de wich paat dem yuus tu de, an yu naa go si no sain a dem agen. Bot di wan dem we ombl demself, yu si di ort, a dem piipl de a-go kom get it. An dem a-go api so til, kaa piis a-go de evriwe.”—Saam 37:10, 11.

 Wa wi kyan du fi shuo se wi tangk Jiizas fi aal a wa im du fi wi an fi wa im a-go du fi wi iina di fyuucha? Iina Luuk 22:19, Jiizas did tel im falara dem se dem no fi figet se im did ded fi dem. An dat a wa mek evri ier pan di diet wen im did ded, di Jeuova Witnis dem miit op tugeda. So wi wel waahn yu fi kom a di Laad Sopa we a-go gwaan Sonde, Maach 24, 2024.

Fain Wan Laad Sopa Miitn