Piipl aal uova di worl a fain it aada an aada fi fain di moni fi bai di sitn dem we dem niid fi liv.

•   Wen som piipl we stodi bout dem tingz ya luk pan wa a gwaan aal uova di worl, dem get fi fain out se a fi wol iip a piipl “di moni we dem get fi dem pie, it kyaahn bai di mount a sitn dem we dem kuda bai wan taim fi di sed mount a moni.” Dem se ef notn no du bout dis, yu a-go fain se “di rich a get rich-a an di puor a get puor-a” an “uol iip a piipl a-go fain it aada an aada fi tek kier a demself an dem fambili.”

 So dem moni prablem ya we a gwaan aal uova di worl, yu tingk di govament dem a-go kyan du notn bout it?

 Di Baibl mek wi nuo se yu av wan govament we a-go get rid a aal a di moni prablem dem we piipl av aal uova di worl, an it a-go mek shuor se evribadi av wa dem niid fi liv. It tel wi se “di Gad we de a evn a-go set op fi’im King fi ruul fi’im govament,” an da govament de a-go ron tingz aal uova di ort. (Daniyel 2:44) Wen Gad govament a ron tingz, evribadi evriwe a-go av evriting we dem niid an nobadi naa go shaat a notn. (Saam 9:18) Pan tap a dat, evribadi a-go api an aal a wi a-go get fi si wa wi a wok fa.​—Aizaiya 65:21, 22.