Wen wi luk pan aal a di prablem dem we piipl a go chuu aal uova di worl, nof piipl tingk se wi naa go kyan du notn fi get rid a dem prablem de iina 2024. Bot a wich paat wi kyan fain sitn gud fi luk faawod tu?

 Di Baibl mek wi nuo se Gad a-go get rid a aal a di prablem dem we mek wi a wori an a fret ya nou. Suun suun, “Gad a-go waip [wi] fies an jrai op aal a [wi] yai-waata. Nobadi naa go ded agen, so nobadi naa go ala ar baal. An nobadi naa go fiil no pien.”​—Revilieshan 21:4.

•   Fi fain out muo bout di gud sitn dem we di Baibl se wi a-go get, riid dis: “A Real Hope for a Better Tomorrow.”

 Wan a di wie dem ou di Baibl elp wi rait ya nou a dat it gi wi sitn gud we wi kyan luk faawod tu. An wen wi tingk bout wa it se, wi naa go mek di prablem dem we wi av schres wi out an wi a-go luk pan tingz iina wan gud wie. (Ruoman 15:13) Wan neda wie ou di Baibl kyan elp wi rait ya nou a dat it shuo wi ou wi kyan diil wid prablem laik siknis, moni prablem, an ef wi naa get no jostis.

•   Fain out ou wan man we did baan an gruo puor did get elp fram di Baibl so dat im kuda fiil api an av piis iina im aat an main. Wach da vidiyo ya we niem Juan Pablo Zermeño: Jehovah Gave Me a Meaningful Life.

•   Fain out ou di Baibl kyan elp yu ef yu kanchens a bada yu, ef yu fiil sad bad, ef yu a wori wori op yuself, ar ef sumadi fi yu ded. Yu kyan riid dis: “Can I Find Words of Comfort in the Bible?”

•   Wan uman we did iina di aami se shi a neehn wan nais sumadi an ar laif neehn a go nowe. Fain out ou di Baibl elp ar fi chienj ar laif fi di beta. Wach da vidiyo ya we niem I Put Down My Rifle.

 Du aal we yu kyan du so dat yu an yu fambili kyan enjai 2024. Fain out ou di Baibl kyan elp yu fi du dat. Chrai out wi frii Baibl stodi. Yu a-go si se Gad “waahn unu fi av piis iina unu laif” nou an im “waahn fi mek unu nuo se tingz a-go get beta fi unu.”​—Jerimaiya 29:11.